Mu bitabiriye uyu mukino harimo Miss Umunyana Shanitah wabaye Igisonga cya mbere cya Miss Rwanda mu 2018, aba Miss Supranational Rwanda mu 2019 ndetse na Miss East Africa 2021-2022.

Undi witabiriye uyu mukino ni Miss Muyango Claudine wegukanye ikamba ry’umukobwa uberwa n’amafoto muri Miss Rwanda 2019 n’abandi barimo Irakoze Vanessa witabiriye Miss Rwanda mu 2018.

Si aba gusa kuko hari abahanzi barimo Bruce The 1st, Kenny K-Shot, Bushali n’abandi benshi.

Patriots BBC yagiye kuwukina idahabwa amahirwe kuko yaherukaga gutsindwa imikino ibiri yikurikiranya. Ni mu gihe, Ikipe y’Ingabo yo yari hejuru kuko yari imaze imikino 15 idatsindwa.

Umukino warangiye, Patriots BBC ihagaritse APR BBC iyitsinda amanota 71-62. Uyu ukaba wakurikiye uwo UGB yatsinze Tigers BBC amanota 100-94.

Patriots BBC yatsinze APR BBC mu mukino wari urimo ishyaka ryinshi

Franck Axel uri mu bakora umwuga wo gufotora mu Rwanda (ubanza iburyo) yakurikiye uyu mukino

Kenny K-Shot yarebye imikino yose muri BK Arena

Irakoze Vanessa udakunze gucikwa n'imikino ya Basketball yari yagiye kwihera ijisho

The Trainer ni umwe mu bitabiriye uyu mukino muri BK Arena

NEP DJs nibo bavangaga imiziki

Umunyamakuru wa RBA, Lucky Nzeyimana yari muri BK Arena

Miss Muyango yakurikiranye uyu mukino

Abaraperi barimo Bushali na Bruce The 1st barebye uyu mukino

Umunyana Shanitah akunze gukurikira imikino ya Basketball

Bushali udakunze kugaragara mu mikino yitabiriye uwo kuri uwo munsi

Tuyishime Kharim uzwi nka Kenzman yari muri BK Arena

Christelle Danis Igeno Uwase uzwi ku mbuga nkoranyambaga yari muri BK Arena

Amafoto: Shema Innocent