Itike ya make yari yashyizwe ku bihumbi 100 FBu (arenga ibihumbi 30Frw) mu gihe indi yaguraga ibihumbi 200FBu (hafi ibihumbi 70Frw) naho abantu icumi bicaranye ku meza itike ishyirwa kuri miliyoni 1,5FBu (ibihumbi 500Frw).

Ni igitaramo bari bateganyije ameza 75 ariko birangira bongeyemo andi 50 kubera ubwinshi bw’abifuzaga kureba uyu muhanzi uri mu bafite abakunzi benshi i Burundi.

Cyari igitaramo cya mbere uyu muhanzi akoreye i Bujumbura nyuma yo kumutumira igihe kinini ariko ntibimukundire kwitabira ku mpamvu zitandukanye.

Kuri iyi nshuro Israel Mbonyi n’abari kumufasha bahisemo gukora ibitaramo bibiri, kimwe cya VIP gifite ibiciro bihanitse, n’ikindi cya rusange byitezwe ko kizitabirwa cyane.

Nk’uko benshi bamuzi, ni igitaramo yakoze mu buryo bwa Live, aririmbira abantu mu gihe kirenga amasaha abiri.

Abarundi na bo bari bamutegereje ku bwinshi ubona banazi indirimbo ze hafi ya zose, biva inyuma bamufasha kuziririmba no kuzibyina igitaramo kiryoha kurushaho.

Israel Mbonyi uririmba aganira n’abafana be, yageze hagati abibutsa ko ubwo yatangiraga urugendo rwo gukorera Imana yakundaga cyane abahanzi b’i Burundi.

Ati “Ngiye kubabwira ijambo rimwe, njye ubwo nari ntangiye gukorera Imana, nakundaga cyane indirimbo z’abahanzi b’i Burundi. Zaramfashije mbega bambereye icyitegererezo baba imbarutso ku buhanzi bwanjye.”

Aha yari amaze gufata amarangamutima yabo ahita anabaririmbira uduce duto tw’izo yakuze akunda, abafana nabo baramufasha.

Nyuma yo kuriirimba indirimbo ze hafi ya zose Israel Mbonyi yasoje igitaramo ashimira abatari bacye bari bacyitabiriye ndetse abibutsa ko ku wa 1 Mutarama 2022 afite ikindi gikomeye.

Ibi bitaramo byose byitezwe kubera ahitwa Zion Beach, kuri ubu kwinjira bikaba ari ibihumbi 30FBu.

Mucoma yari yiteguye gufasha abagwa isari

Abazindutse bafashe imyanya myiza bategereza akanya mbere y'uko Israel Mbonyi agera ku rubyiniro

Urubyiniro rwari rwatewe hagati mu bafana kugira ngo Israel Mbonyi abataramire bose

Uko amasaha yakuraga niko abafana bitabiraga ari benshi

Byageze aho ameza yari yateguwe aruzura batangira gutera andi

Igitaramo cya VIP cya Israel Mbonyi cyitabiriwe cyane nubwo itike yakoshaga

Abantu bamaze kugwira, abahanzi b'i Burundi nibo batangiye kubasusurutsa

Ahaberaga iki gitaramo hari huzuye

Hano bari bagitegereje Israel Mbonyi

Israel Mbonyi ni uku yahingutse ku rubyiniro

Uyu musore yasanze i Burundi ahafite abafana benshi cyane

Guhera ku ndirimbo ze zo ha mbere kugeza ku zigezweho uyu munsi, Israel Mbonyi yashimishije abakunzi be

Uyu muhanzi yanagize umwanya wo gucurangira abakunzi be

Aba VIP bageze aho barahaguruka barahimbaza

Ntabwo byari byoroshye, indirimbo za Israel Mbonyi zahagurukije benshi

Ibyishimo byari byinshi ku Barundi bamaze igihe bashaka Israel Mbonyi

Nyuma y'igihe agerageza gutaramira i Burundi bikanga, Israel Mbonyi yashyize arahagera

Nubwo abafana bari bishimye, Israel Mbonyi nawe byagaragaraga ko aririmbana akanyamuneza

Israel Mbonyi yanyuzagamo akanacinya akadiho

Gitari ni kimwe mu bikoresho bya muzika uyu muhanzi abasha

Benshi bafashirijwe mu gitaramo cya Israel Mbonyi

Buri kanya yabaga ashaka kuganira n'abafana be

Indirimbo za Israel Mbonyi benshi bazifata nk'amasengesho

Hari abafashwaga ugahita ubibona

N'ababyeyi bakuze bari baserutse muri iki gitaramo

Byari ibyishimo ku babyeyi bitabiriye iki gitaramo

Bahimbarije mu gitaramo cya Israel Mbonyi

Hari n'abafashwaga amarira agashoka kubera amarangamutima

Uko mu bafana byari ibicika, no kuri Israel Mbonyi byari bikaze

Ashaka gucyura amashusho y'urwibutso

N'abakiri bato bari bitabiriye iki gitaramo ku bwinshi

Nta foto nta cyabaye! arifuza gutwara urwibutso rw'iki gitaramo

Cyari igitaramo kiryoheye ijisho ndetse n'ugutwi

Uyu nawe ashaka gutahana ifoto y'urwibutso

Umunyarwenya Kigingi nawe byarangiye afashirijwe mu gitaramo cya Israel Mbonyi

Ni igitaramo cyateguwe na Coach Gael umuyobozi wa 1:55AMLtd isanzwe ifasha Bruce Melodie, aha yacungiraga hafi ibibera ku rubyiniro ubona anyuzwe n'uko israel Mbonyi ari kwitwara

Israel Mbonyi nawe nta kunanirwa mu gihe hafi cy'amasaha abiri yari maze ku rubyiniro

Israel Mbonyi yanyuzagamo akanasengera abitabiriye iki gitaramo

Indirimbo ze hafi ya zose yazinyuzemo

Israel Mbonyi yavuze ko nawe yishimiye gutaramira i Burundi nyuma y'igihe agerageza byanga

Benshi bafashirijwe muri iki gitaramo cya Israel Mbonyi

Abo muri Diaspora bari gukurikira ibi bitaramo bya Israel Mbonyi binyuze ku rubuga rwitwa Eastflix.TV

Abasore bagize itsinda ribyina indirimbo zo kuramya no guhimbaza Imana mu buryo busekeje, bari imbere mu gitaramo cya Israel Mbonyi

Israel Mbonyi yahise ararikira abari muri iki gitaramo icyo afite ku wa 1 Mutarama 2023

Igitaramo cyarangiye Israel Mbonyi atabishaka

Israel Mbonyi nawe ibyishimo byari byamurenze

Abarimo Peace Hoziyana bafasha Israel Mbonyi ku rubyiniro bageze aho barahimbarwa

Amafoto&Video:Nsengiyumva Emmy