Ni ibiti Bwiza yifuza gutera mu rwego rwo kurengera ibidukikije ndetse no kurushaho guteza imbere imirire myiza mu miryango, akaba yarifuje guhera mu Karere ka Bugesera asanzwe atuyemo.

Iki gikorwa cyitabiriwe n’abanyeshuri biga mu bigo bibarizwa mu Murenge wa Rilima, ubuyobozi bw’Akarere ka Bugesera bwari buyobowe n’Umuyobozi wako, Richard Mutabazi.

Nyuma y’iki gikorwa, Bwiza yabwiye IGIHE ko iki gikorwa cyagenze neza ashimira abafatanyabikorwa be barimo Umuryango w’aba-Scouts, n’ubuyobozi bw’Akarere.

Ati “Ni iby’agaciro kuba uyu munsi wagenze neza, ndashimira abafatanyabikorwa banjye bambaye hafi kuva ku munsi wa mbere. Ndashimira aba Scouts ariko by’umwihariko ndashimira Ubuyobozi bw’Akarere ka Bugesera.”

Bwiza yavuze ko iki gikorwa kizakomereza mu yindi mirenge kuko icyifuzo cye ari ugutera ibiti ibihumbi 200 biribwa mu rwego rwo guteza imbere imirire ndetse hanabungabungwa ibidukikije.

Byari ibyishimo ubwo Bwiza yakirwaga n'Umuyobozi w'Akarere ka Bugesera ndetse n'uwaba Scouts mu Rwanda bari bageze ahabereye uyu muganda

Uyu muganda udasanzwe witabiriwe ku bwinshi

Abanyeshuri biga mu bigo by'i Rilima bifatanyije n'abaturage mu muganda udasanzwe

Bwiza, Umuyobozi w'Akarere ka Bugesera n'Ubuyobozi bw'aba Scouts bateye ibiti

Ubwo Umuyobozi w'Akarere ka Bugesera yahaga ikaze Bwiza wari ugeze ahabereye umuganda udasanzwe wo gutera ibiti

Uretse ibiti byatewe mu mirima, byanagiye biterwa mu ngo z'abaturage

Bwiza n'umuyobozi wa Empire muri Afurika y'Iburasirazuba bateye igiti bafatanyije n'umuyobozi w'aba Scouts mu Rwanda

Bwiza yafatanye ifoto n'abacungagereza bitabiriye iki gikorwa

Umuyobozi wa Empire mu Karere ka Afurika y'Iburasirazuba , sosiyete ifasha Bwiza nawe yari yitabiriye iki gikorwa

Bwiza yashimiye abamushyigikiye muri iki gikorwa

Nyuma y'umuganda abawitabiriye bagize umwanya wo kuganira