Bruce Melodie yasohoye indirimbo yakoreye imbonankubone ku mbuga nkoranyambaga

Yanditswe na Nsengiyumva Emmy
Kuya 24 Werurwe 2020 saa 08:48
Yasuwe :
0 0

Bruce Melodie yasohoye indirimbo “Henzapu” yakoreye mu maso y’abafana imbonankubone ku mbuga nkoranyambaga akoresha.

Kuwa Gatandatu tariki 21 Werurwe 2020 Bruce Melodie yagiye ku mbuga nkoranyambaga abwira abafana ko agiye gukora indirimbo, akayitangira bareba ikarinda ijya hanze babireba.

Ubwo uyu mushinga yari awugeze hagati nibwo hasohotse itangazo ry’uko guhera muri iryo joro nta muntu wemerewe gusohoka mu rugo iwe mu rwego rwo gukumira ikwirakwira ry’icyorezo cya Coronavirus.

Iri tangazo ryakomye mu nkokora umushinga w’uyu muhanzi bituma asubika iby’iyi ndirimbo yari amaze gufatira amajwi avuga ko imirimo mike isigaye izarangira mu minsi mike cyane.

Bruce Melodie yinjiye muri studio nta gitekerezo cy’indirimbo cyangwa injyana aririmbamo yari afite. Uko yagiye atindamo niko yunguranaga inama n’abo bafatanyaga batangira gukora indirimbo gutyo.

Ni indirimbo yifuje gukora mu njyana ya Trap nubwo ari umuririmbyi wa R&B. Ubwo yari muri studio yasanze agomba kuririmba indirimbo ibabaje ahitamo kuririmba ku buzima bwe bw’ahahise ndetse n’ubw’uyu munsi.

Ubwo hakorwaga iyi ndirimbo byari biri gutambuka imbonankubone ku mbuga nkoranyambaga z’uyu muhanzi zirimo Instagram, Twitter ndetse na Youtube.

Bruce Melodie yabwiye IGIHE ko yagize iki gitekerezo kugira ngo yereke abakunzi be uko gukora indirimbo biba bimeze.

Nyuma y’amasaha arenga abiri nibwo uyu muhanzi yari amaze gufata amajwi y’iyi ndirimbo ariko ataratunganywa.

Iyi ndirimbo nshya ya Bruce Melodie yatangiye gukorwa muri studio na Element Pro ukorera muri Country Record, irangizwa na na Bob Pro.

Reba uko iyi ndirimbo yatangiye gukorwa kugeza umushinga usubitswe

Umva hano indirimbo Bruce Melodie yakoze biri Live ku mbuga nkoranyambaga ze

Bruce Melodie ni umwe mu bahanzi bagezweho mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .