00:00:00 IGIHE NETWORK KN KINYARWANDA EN ENGLISH FR FRANCAIS

Bruce Melodie yamuritse indirimbo ye na Eddy Kenzo

Yanditswe na Nsengiyumva Emmy
Kuya 27 April 2022 saa 09:14
Yasuwe :

Mu ijoro ryo kuri uyu wa 27 Mata 2022 habaye ibirori Bruce Melodie yataramiyemo inshuti ze n’abamufashije kuva yatangira umuziki anahita ahamurikira indirimbo ye nshya ahuriyemo na Eddy Kenzo.

Ni ibirori byatangijwe n’igitaramo cya Live uyu muhanzi yakoze mu rwego rwo gutaramira inshuti ze n’abamufashije mu muziki, agira n’umwanya wo kubaganiriza hanyuma aboneraho kumurika indirimbo ‘Nyoola’ yakoranye na Eddy Kenzo.

Ni indirimbo kugeza ubu yanamaze gusohoka, ndetse muri ibi birori Bruce Melodie yari yatumiye Eddy Kenzo ngo abe ahari mu gihe cyo kuyimurika.

Uyu muhanzi wo muri Uganda yashimangiye ko yitabiriye ibi birori agiye gufasha umuvandimwe we n’umuhanzi akunda cyane.

Bruce Melodie mu kiganiro n’abanyamakuru yavuze ko yari asanzwe ari umufana ukomeye wa Eddy Kenzo bityo ko ari we wamusabye ko bakorana indirimbo.

Ati “Eddy Kenzo nari nsanzwe mukunda ndi umufana we, ni njye wamusabye ko twakorana indirimbo nawe ambera umuvandimwe ntiyangora.”

Eddy Kenzo we yavuze ko akunda cyane impano ya Bruce Melodie ku buryo nawe yumva hari itafari yashyira mu kuyiteza imbere.

Ati “Bruce Melodie ni umusore ufite impano ikomeye, kumufata akaboko nanjye ni inshingano zanjye. Ngiye gushaka uko yakunguka abafana mu banjye yaba muri Uganda n’ahandi hose ku Isi.”

Eddy Kenzo yavuze ko we na Bruce Melodie hari ibikorwa byinshi bari guteganya gukorana birimo no guhurira mu bitaramo mu rwego rwo kumenyekanisha indirimbo ze.

Muri iki kiganiro ariko kandi, Bruce Melodie yaboneyeho kubwira abanyamakuru ko afite ibitaramo byinshi agiye gukorera hanze y’u Rwanda birimo ibizabera ku mugabane w’u Burayi n’ibizabera muri Amerika.

Bruce Melodie yabanje gutaramira inshuti ze
Bruce Melodie yaririmbaga mu buryo bwa Live
Bruce Melodie yaririmbaga mu buryo bwa Live
Ni ibirori byari binogeye ijisho byitabiriwe n'inshuti za Bruce Melodie
Bruce Melodie na bamwe mu bahanzi b'inshuti ze bari baje kumushyigikira
Ubuyobozi bwa BRALIRWA yenga ikinyobwa cya PRIMUS ari nacyo Bruce Melodie abereye Brand Ambassador bwari bwitabiriye ibi birori
Inshuti za Bruce Melodie zari zitabiriye ku bwinshi
Yvan Buravan mu bari batumiwe muri ibi birori
Shaddyboo nk'inshuti ya Bruce Melodie yari yatumiwe muri ibi birori
Jules Sentore nawe yari yatumiwe muri ibi birori
Me Bayisabe Irene umunyamategeko wa Bruce Melodie yari mu b'imbere muri ibi birori
Kenny Sol wakoranye na Bruce Melodie igihe kinini yari yatumiwe muri ibi birori
Riderman inshuti y'akadasohoka ya Bruce Melodie yari yatumiwe
Buri wese yashakaga gucyura amashusho y'urwibutso
Ariel Wayz yari mu b'imbere muri ibi birori bya Bruce Melodie
Tessy, Umunyamakuru wa Isango Star afata amashusho y'urwibutso
Umufasha wa Danny Vumbi mu bari bitabiriye ibi birori
Danny Vumbi inshuti y'akadasohoka ya Bruce Melodie wanamwandikiye nyinshi mu ndirimbo ze
Eddy Kenzo wari i Kigali yari yitabiriye ibi birori
Agafoto k'urwibutso ni ngombwa
Eddy Kenzo yagize umwanya wo kuririmbira inshuti za Bruce Melodie
Bruce Melodie na Eddy Kenzo nyuma yo kwerekana indirimbo yabo nshya
Nyuma y'ibi birori, Bruce Melodie yagize umwanya wo kuganira n'abanyamakuru

Amafoto:Shumbusho Djasil
Video: Uwacu Lizerie


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .