Iki gitaramo cyabereye kuri ‘Heza beach’ i Rubavu. Cyatangijwe n’aba-Djs basusurukije abakunzi b’umuziki, maze Kid from Kigali ugezweho mu ndirimbo nka ‘Muraho’ ahamagarwa ku rubyiniro.

Uyu musore yatanze ibyishimo ariko ubwo ibintu byari biri kuva mu bwiza byinjira mu bundi. Kivumbi King ni we wari ugezweho, gusa uyu musore ukundwa na benshi ntiyashoboye gushimisha abafana be nk’uko byari biteganyijwe.

Mu gihe uyu musore yatangiraga kwitakuma ashimisha abafana, ibyuma byatengushye abateguye iki gitaramo bikajya bivaho, amajwi ntasohoke. Uyu musore yari arimo gucurangirwa na Symphony Band.

Uyu muhanzi yaje kuva ku rubyiniro adatanze ibyishimo yari yitezweho, ubwo kabuhariwe Bruce Melodie ni we wagombaga kumukurikira. Uyu mugabo ntiyashoboye gususurutsa abakunzi be bari bamwiteze cyane.

Symphony Band yagerageje gucomeka ibyuma byayo inshuro eshanu zose birananirana, ari nabwo hafatwaga icyemezo kigoye cy’uko Bruce Melodie wari wageze ahagomba kubera igitaramo, atari bukore icyamujyanye.

Iyi ngingo yahinduye ibintu cyane, abafana bamwe batangira kwikubura barigendera. Aba-Djs bari hafi aho barimo Toxxyk na Marnaud bagerageje kugarura morale mu bafana wabonaga bacitse intege ariko biba iby’ubusa.

Hagati aho, Bruce Melodie yahise afata iya mbere, akoresha imbuga nkoranyambaga ze mu gusaba imbabazi abakunzi be bamutegereje amaso agahera mu kirere.

Abari n'abategarugori bari babukereye, biteguye kubyina induru zikavuga

Abantu batangiye kwinjira ahabereye iki gitaramo hakiri kare cyane

Ibyatsi byari byahagorewe, ababishoboye babyinnye karahava

DJ Toxxyk ni umwe mu bageze ahabereye iki gitaramo kare

Hari abahisemo kujya ahirengeye bareba iki gitaramo

Umuhanga wo kurya arara akarabye, uwo kubyina we awuhera kare! Izuba rikiva ku manywa ya kare aba mbere bari bageze ahabereye iki gitaramo

Wari umugoroba w'ibyishimo ku nshuti zari zitabiriye iki gitaramo

Ibyishimo byari byose kuri DJ Higa wari ugiye gutanga ibyishimo ku bakunzi b'umuziki

Mu masaha ya nimugoroba, kubona aho uca winjira ahabereye iki gitaramo byari ikibazo kubera ubwinshi bw'abahaganaga

Abafana bari bakubise buzuye ahabereye iki gitaramo

Hari uwogosheraga abantu mu gitaramo, aha yari ari guconga Shemi

Kid from Kigali yasusurukije abitabiriye iki gitaramo

Icyo kunywa cyari kigari ku bwinshi, abashoboye kuzunguza umubiri nabo bahawe rugari

DJ Toxxyk , DJ Higa na DJ Pyfo ubwo iki gitaramo cyari kigeze aharyoshye

Mu bitaramo bibera i Rubavu, abasirimu baba bakoze ku myenda yo kurimbana

Buri wese uko ashoboye yitakumaga mu mbaraga ze

Skol ibinyujije mu kinyobwa cyayo Virunga gikunzwe, yabaye hafi abafite inyota

Kivumbi King yari yabukereye muri iki gitaramo ariko ibyuma biramutenguha ava ku rubyiniro adasoje

Nyuma y'uko ibyuma bikomeje kugorana, abafana bibazaga aho bagiye kwerekeza

Amafoto: Kwizera Moses