Blue Ivy Carter, imfura ya Jay-Z na Beyoncé yanditse amateka muri Grammy Awards

Yanditswe na Uwiduhaye Theos
Kuya 14 Ukuboza 2020 saa 11:50
Yasuwe :
0 0

Umwana w’imfura wa Jay-Z na Beyoncé, Blue Ivy Carter, yashyizwe mu bari guhatanira ibihembo bya Grammy Awards mu 2020 abikesheje indirimbo ’Brown Skin Girl’ yahuriyemo na nyina n’abandi bahanzi nka Wizkid na SAINt JHN.

Uyu mwana w’imyaka umunani agiye kuba umwana muto ushyizwe mu bahatanira ibi bihembo mu mateka nk’uko Billboard ibitangaza.

Ubwo batangazaga abahatana muri Grammy Awards, ku wa 23 Ugushyingo ntabwo Blue Ivy yari arimo ariko ubu yiyongereye ku bari guhatanira ibi bihembo.

Blue Ivy asanzwe ari umuririmbyi. Yabaye umuntu muto wegukanye igihembo muri BET Awards ubwo muri uyu mwaka yegukanaga icya BET HER Award n’ubundi abikesheje iyi ndirimbo yahuriyemo na nyina.

Biteganyijwe ko ibi bihembo bya Grammy Awards ari guhatanamo, bizatangwa ku wa 31 Mutarama 2021.

Mu 2017, Blue Ivy Carter yavuzwe cyane mu itangazamakuru no ku mbuga nkoranyambaga nyuma y’aho se asohoye indirimbo yumvikanamo ijwi rye kuri album nshya.

Album nshya ya Jay-Z yumvikanagamo iyi ndirimbo yayisohoye ku wa 30 Kamena 2017, ishyirwa bwa mbere ku rubuga rwe rwa Tidal ndetse inahabwa abakoresha umurongo wa Sprint kuri telefoni muri Leta Zunze Ubumwe za Amerika.

Uretse ‘Bwon Skin Girl’ Blue Ivy yumvikanye mu zindi ndirimbo nka ’Freestyle/We Family’, ’Glory’ n’izindi.

Blue Ivy na nyina. Uyu mwana afite impano itangaza benshi
Blue Ivy Carter ari mu bari guhatanira Grammy Awards

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .