00:00:00 IGIHE NETWORK KN KINYARWANDA EN ENGLISH FR FRANCAIS

Beyoncé agiye gushyira hanze album nshya

Yanditswe na Uwiduhaye Theos
Kuya 16 June 2022 saa 04:04
Yasuwe :

Umuhanzikazi w’Umunyamerika Beyoncé Giselle Knowles-Carter agiye gushyira hanze album ye nshya yise “Renaissance” izajya hanze ku wa 29 Nyakanga 2022. Izaba iriho indirimbo 16 ikaba ije ikurikira iyitwa “The Lion King: The Gift”.

Izina ry’iyi album ryakomotse kuri film yitwa Lion King yanakinnyemo, yakozwe n’ikigo gitunganya film muri Amerika cya Disney.

Uyu muhanzi yayigereranyije ‘n’ibaruwa y’urukundo kuri Afurika’ kubera abahanzi batandukanye bo kuri uyu mugabane bayiriho.

Iriho Wizkid, Burna Boy, Tekno, Yemi Alade, Mr Eazi na Tiwa Savage bo muri Nigeria; Shatta Wale wo muri Ghana, Salatiel wo muri Cameroon, Busiswa na Moonchild Sanelly bo muri Afurika y’Epfo n’abatunganya indirimbo batandukanye bo muri Afurika bayikozeho.

Iyi album ya Beyoncé iriho indirimbo yiswe ‘Spirit’ irimo ahavugwamo Igiswahili yumvikanamo avuga mu ijwi ryisubiramo inshuro ebyiri ngo “Uishi kwa mda mrefu mfalme’’, bishatse kuvuga ngo “Uzarame Mwami.’’

Indirimbo Beyoncé yahuriyemo n’umugabo we Jay Z na Childish Gambino, yitwa “MOOD 4 Eva” iri kuri album yatuye Afurika (The Lion King: The Gift) mu gitero cyayo cya gatatu yaririmbyemo ko umugabo we akomoka mu Rwanda.

Muri iki gitero kandi Beyoncé na we agaragaza ko afite inkomoko muri Afurika mu bwoko bw’Abayoruba bubarizwa muri Afurika y’Iburengerazuba.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .