00:00:00 IGIHE NETWORK KN KINYARWANDA EN ENGLISH FR FRANCAIS

Benshi bahawe akazi muri Kigali Universe: Coach Gaël yavuye imuzi iby’ishoramari rye ridasanzwe i Kigali

Yanditswe na Peacemaker Pundit
Kuya 20 May 2024 saa 09:04
Yasuwe :

Umujyi wa Kigali wungutse ikindi gikorwa cy’imyidagaduro kizarushaho kurangaza no gushimisha abawutuye n’abawusura, aricyo Kigali Universe, inzu y’imyidagaduro iherereye ku gisenge cy’inyubako ya CHIC mu karere ka Nyarugenge.

Iki gikorwaremezo cy’umunyemari Karomba Gaël [Coach Gaël ], cyafunguwe ku mugaragaro kuwa 18 Gicurasi 2024.

Ni inyubako irimo ibikorwa bitandukanye birimo ahantu icumi hazajya hakiniwa imikino itandukaye , aho kunywera, gufatira amafunguro n’aho gucururiza.

Mu kuyitaha ku mugaragaro abakozi basaga 90 bahawe akazi muri serivisi zose zizaba zibarizwa muri iyi nyubako.

Coach Gaël aganira na Radio Isibo yagize ati “Abantu barabibonye ko twari dufite abashyitsi benshi, mu gikoni, ku bibuga bitandukanye, hariya hose hari abakozi barenga 90 bahawe akazi gahoraho.”

Igice cya Kigali Universe cyatashywe ni icyambere, hakaba hacyubakwa ibindi bikorwa ku buryo Coach Gaël avuga ko hazatangwa akazi ku basaga 200.

Mu gihe u Rwanda rwitegura kwakira imikino ya nyuma y’igikombe cya Basketball muri Afurika (BAL), Coach Gaël yavuze ko bamwe mu bakinnyi bazayitabira bazajya bitoreza muri Kigali Universe.

Coach Gaël yavuze ko kubaka Kigali Universe atari ibintu yari yaratekerejeho kera, ahubwo ko byamujemo amaze kugera muri Letz aZunze Ubumwe za Amerika.

Ati “Kubera nabaye igihe kinini muri Amerika nagiye mbona inyubako zaho zibamo imikino myinshi. Aho abantu batemberera bagakina, bakanywa , bakarya batavuye aho basohokeye. Ni uko nifuje kuzashyira mu bikorwa inyubako nk’iriya"

Kigali Universe nubwo yatashywe ku mugaragaro ni igice cya mbere kuko hazatahwa inzira ica mu kirere yorohereza abayigana, n’ikindi gice cy’imikino.

Coach Gaël yavuze ko hari ibindi yifuzaga ko byajya muri iyo nyubako nk’ubwogero rusange [Swmming Pool] ariko ubuyobozi bumugira inama ko bitaba bijyanye.

Ku giciro cya 10 000 Frw yo kwinjira muri Kigali Universe, Coach Gael yavuze ko kidahanitse cyane ugereranyije na serivisi.

Ati" Buriya se ko ari ahantu h’abasirimu, wabura ibihumbi 10 Frw kandi uri buyakoreshe wiyakira? Twirinze ba bantu baza guhagarara ku bakire ,ariko hariya ibiciro ntibihanitse ku bakunda ibyiza bahawe ikaze.”

Inkuru bijyanye: Dutemberane ‘Kigali Universe’, inyubako igiye kuzura hejuru ya CHIC (Amafoto na Video)

Muri Kigali Universe harimo ikubuga gito cy'umupira w'amaguru
Abaje gukurikirana imikino baba bafite aho barebera

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .