Abinyujije ku mbuga nkoranyambaga akoresha, Belyse Hitayezu yasangije abamukurikira amafoto ari kumwe n’umusore yihebeye aca amarenga ko yaba yamaze no kwambara impeta ubusanzwe yambikwa umukobwa wemereye umusore kuzabana akaramata.

Icyakora nubwo yasangije amafoto abamukurikira, Hitayezu Belyse yirinze kugaruka kuri uyu musore wamwambitse impeta.

Belyse Hitayezu yatangiye kuvugwa mu nkuru z’urukundo mu 2017 ubwo yari umwe mu nkumi zakundanaga n’abasore bo mu itsinda rya Active ryabicaga bigacika mu muziki muri iyo myaka.

Inkuru z’urukundo mu itsinda rya Active mu gihe cya Belyse Hitayezu na Tizzo zakomejwe nuko Olivis nawe icyo gihe yakundanaga na Uwase Vanessa Raissa mu gihe Derek we yakundanaga na Teta Sandra.

Nyuma y’igihe gito Belyse Hitayezu avugwa mu rukundo na Tizzo ibyabo byaje guhwekera nawe nyuma aza kwerekeza muri Leta Zunze Ubumwe za Amerika aho yimukiye mu Mujyi wa Portland muri Leta ya Maine.

Hitayezu Belyse ni umwe mu bakobwa bahataniye ikamba rya Miss Rwanda mu 2016

Hitayezu ni umwe mu bakobwa bake bitabiriye irushanwa rya Miss Rwanda inshuro nyinshi kuko yarinyuzemo imyaka itatu hose nta kamba yegukana

Hitayezu yaciye amarenga ko ari mu munyenga w'urukundo nyuma y'igihe ibye na Tizzo bishyizweho akadomo

Cyera kabaye Hitayezu yagaragaje umusore yihebeye

Hitayezu yimukiye muri Leta Zunze Ubumwe za Amerika aho asigaye atuye