Aba bahanzi kimwe n’Abanyarwanda barimo Bishop Aime Uwimana, Chryso Ndasingwa, Bosco Nshuti n’abandi bataramiye abitabiriye iki giterane cy’amasengesho y’iminsi ibiri.

Ni igiterane cyo gushima Imana, cyatangiye ku wa 4 Mata 2025 bikaba byitezwe ko kirangira kuri uyu wa 5 Mata 2025.

Uretse gutaramirwa n’abahanzi bafite amazina mu muziki wo kuramya no guhimbaza Imana, abitabiriye iki giterane bahawe inyigisho zitandukanye ndetse abafite amashimwe bahabwa umwanya wo gutanga ubuhamya bwabo.

Kwinjira muri iki giterane nta kindi byasabaga uretse guseruka mu mwenda w’umweru, ubundi ukazinduka kuko imyanya yageze aho igashira.

Ku munsi wa nyuma w’iki giterane hari n’abahazindukiye cyane ko Saa Kumi n’Imwe za mu gitondo ab’inkwakuzi bari bamaze gufata imyanya.

Zoravo ukunze gutaramira mu Rwanda aho atumirwa kenshi n’amatorero anyuranye, ni umwe mu baramyi bazwi muri Tanzania.

Azwi mu ndirimbo nka ‘Majeshi ya Malaika’, ’Anarejesha’ yakoranye na Rehema Simfukwe na ’Ameniona’ yakoranye na Bella Kombo barikumwe muri iki giterane.

Uyu mugore ufatwa nk’umwe mu bakomeye mu muziki wo kuramya no guhimbaza Imana muri Tanzania akunze gutumirwa mu biterane bya Grace room ministries.

Umunsi wa mbere w'iki giterane abantu bari babukereye

Igiterane cyabereye muri BK Arena

Mu myenda y'umweru, abitabiriye igiterane cyateguwe na Grace room ministries binjira muri BK Arena

Buri wese yari yakoze ku mwenda we w'umweru

N'abakiri bato bari bakereye iki giterane

Buri wese yashinguraga intambwe kugira ngo hatagira ikimucika

Abashinzwe kuyobora abantu bari bashyizwe mu nguni zose za BK Arena

Abenshi bari bakoresheje ibyapa byanditseho akabari ku mutima

Uyu mubyeyi yitabiriye iki giterane yizeye Umwami Yesu

Bishop Aime Uwimana ni umwe mu bataramiye muri iki giterane

Uyu we yitwaje icyapa cyanditseho ishimwe afite ku byo Yesu yamukoreye

Abitabiriye iki giterane bafashijwe

Imana yaratwibutse, ishimwe ry'umwe mu bitabiriye iki giterane

Rene Patrick ni umwe mu bitabiriye iki giterane

Mbere yo kubwiriza ijambo ry'Imana, Pastor Julienne Kabanda yabanje gusenga

Bella Kombo muri BK Arena mu giterane cyo gushima Imana cyateguwe na Grace room ministries

Zoravo uri mu bahanzi bagezweho muri Tanzania yongeye gutaramira muri BK Arena

Amashimwe ku Mana!

Buri wese aganira n'Imana mu buryo bwe

BK Arena yari yakubise yuzuye abambaye umweru

Umunsi wa kabiri w'iki giterane wasabye ko bamwe bazinduka iya rubika

Pastor Julienne Kabanda uyobora itorero 'Grace room ministries' yatanze inyigisho z'umunsi

Saa kumi n'imwe za mu gitondo aba mbere bari bamaze kwinjira muri BK Arena

Mu gitondo cya kare bazindukiye muri BK Arena

Buri wese n'ishimwe afite ku mutima