00:00:00 IGIHE NETWORK KN KINYARWANDA EN ENGLISH FR FRANCAIS

Belise Kariza yifashishije indirimbo ‘Nywe’ mu kwerekana umusaruro w’icyuya u Rwanda rwabize

Yanditswe na Nsengiyumva Emmy
Kuya 24 June 2022 saa 02:54
Yasuwe :

Mu magambo ye Belise Kariza wigeze kuba Umuyobozi w’ubukerarugendo muri RDB ubu akaba asigaye ari Umuyobozi w’Ikigo Nyafurika gishinzwe kwita ku binyabuzima biba mu mashyamba, AWF, yahaye ubutumwa abibaza ku iterambere ry’u Rwanda.

Ni amagambo Kaliza yagarutseho yifashishije urukuta rwe rwa Twitter, aho yashyize ifoto ya Kigali Convention Centre iri kwaka mu mabara ari mu ibendera rya Commonwealth, agaragaza iterambere ry’u Rwanda nk’umusaruro w’icyuya rukomeje kubira.

Kariza yagize ati “Twavuye ibyuya batureba! Dutigita Bo bakiryamye! Iyi mihanda iradukanda turi gushaka iminanda! None baravuga ngo ’NYWE’”

Aya ni amagambo yo mu nyikirizo y‘indirimbo ya Nel Ngabo yise ‘Nywe’. Buri wese wagenekereza kumva icyo Kariza yashakaga kuvuga muri ubu butumwa, yabuhuza no kugaragaza ko umusaruro w’u Rwanda uturuka mu mbaraga rwakoresheje ngo rugere aho ruri kuri ubu.

Nel Ngabo wakoze iyi ndirimbo mu kiganiro na IGIHE, yavuze ko yishimiye kuba indirimbo ye yakwifashishwa n’umuyobozi wo kuri uru rwego.

Ati “Ni iby’agaciro gukora indirimbo ikifashishwa n’abayobozi. Icyiza kirimo ni uko njye naririmbaga umuziki ariko guhuzwa n’ibikorwa by’igihugu hari byinshi bivuze. Umuziki wanyuze mu bibazo byenda kumera nk’iby’u Rwanda nuko Igihugu cyo cyamaze kubyikuramo mu gihe twe tukirwana n’ibirimo ubukungu ariko nibura haragaragara icyizere.”

Ubu butumwa Kariza abutangaje mu gihe u Rwanda ruri kwakira Inama Mpuzamahanga y’Umuryango w’Ibihugu bikoresha ururimi rw’Icyongereza ‘Commonwealth’ CHOGM.

Belise Kariza yifashishije indirimbo ‘Nywe’ mu kwerekana umusaruro w’icyuya u Rwanda rwabize

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .