00:00:00 IGIHE NETWORK KN KINYARWANDA EN ENGLISH FR FRANCAIS

Basohoye amashusho basomana! Umuhanzikazi Tabz yerekanye umusore yihebeye

Yanditswe na Nsengiyumva Emmy
Kuya 25 Ukuboza 2022 saa 02:45
Yasuwe :

Umuhanzikazi Thabita Uwizerwa wiyise Tabz, akaba umwe mu bashya bakundirwa ikimero cye ndetse akaba yaramenyekanye cyane mu itsinda rya Neptunez Band amaze iminsi yeretse abamukurikira umusore wigaruriye umutima we.

Uyu musore wigaruriye umutima wa Tabz yitwa DJ Alainto uzwi muri Uganda.

Babinyujije ku mbuga nkoranyambaga, Tabz na DJ Alainto bamaze iminsi babwirana amagambo akomeye y’urukundo, bahana amasezerano yo kuzarambana.

Mu minsi ishize Tabz abinyujije ku mbuga nkoranyambaga ze yashyizeho ifoto y’uyu musore ayiherekeresha amagambo agira ati “Igice kinini cyanjye ni wowe!”

Ni amagambo amaze iminsi abwira uyu musore asigaye agaragaza nk’ishingiro ry’ibyishimo bye.

Tabz ni umwe mu bahanzikazi b’abahanga banize umuziki mu ishuri rya muzika rya Nyundo.

Mbere yo kwinjira mu muziki, Tabz uvukana na David pro yari asanzwe ari inkingi ya mwamba muri Neptunez Band, itsinda ry’abacuranzi rizwi cyane mu bitaramo bya Kigali Jazz Junction rikaba rinafasha abahanzi batandukanye ku rubyiniro.

Mu mwaka amaze mu muziki, Tabz amaze gusohora indirimbo eshatu zifite n’amashusho zirimo iyitwa ‘Boyz’, ‘Vibe’ na ‘Bad’.

Thabita Uwizerwa wiyise Tabz ni umwe mu bahanzi bake bize umuziki mu ishuri rya muzika rya Nyundo
DJ Alainto uzwi i Kampala ni we wigaruriye umutima wa Tabz

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .