Ibi aba baraperi babitangaje ubwo IGIHE yabasuraga aho bari kwitoreza hamwe n’itsinda rya Shauku Music rizabacurangira mu gitaramo.

Bull Dogg yavuze ko urebye imyiteguro yabo iri kugana ku musozo, igisigaye ari igihe cy’igitaramo bagasusurutsa abakunzi babo.

Ati “Dusa n’aho tugeze mu byiciro bya nyuma by’imyiteguro. Tubimazemo igihe ubu turi kunoza uko gahunda yagenda ku munsi w’igitaramo.”

Riderman yavuze ko bamaze amezi abiri mu myiteguro nubwo ukwezi kumwe ariko bakoranye n’itsinda rizabacurangira gusa, ryo ngo ryatangiye mbere, agahamya ko imyiteguro imeze neza cyane.

Bull Dogg yavuze ko abantu bakwiye kwitabira igitaramo cyabo bakazaryoherwa n’imigendekere yacyo cyane ko bazaba bafatanya n’abandi baraperi bakomeye.

Bamwe mu baraperi bategerejwe muri iki gitaramo barimo Bushali, B Threy, Kenny K-Shot, Ish Kevin na Bruce The 1st biyongeraho itsinda rya Tuff Gangs.

Iki gitaramo byitezwe ko kizabera muri Camp Kigali aho kwinjira ari ibihumbi 10 Frw mu myanya isanzwe, ibihumbi 20 Frw muri VIP n’ibihumbi 30 Frw muri VVIP.

Icyakora abari kugura amatike mbere bahawe ubwasisi kuko itike y’ibihumbi 10 Frw bari kuyigura ibihumbi 7 Frw mu gihe iy’ibihumbi 20 Frw yo iri kugura ibihumbi 15 Frw na ho iy’ibihumbi 30 Frw ikagura ibihumbi 25 Frw.

Aba mbere bari kugura amatike y'igitaramo Icyumba cy'amategeko cya Riderman na Bull Dogg

Riderman ubwo yari mu myiteguro y'igitaramo

Bull Dogg ari kwitozanya imbaraga nyinshi

Riderman na Bull Dogg bavuze ko imyiteguro yabo iri kugana ku musozo

Riderman na Bull Dogg bari kwitozanya n'itsinda rya Shauku Music