00:00:00 IGIHE NETWORK KN KINYARWANDA EN ENGLISH FR FRANCAIS

The Major wo muri Symphony Band yemeje urukundo rwe n’uwahoze ari umukunzi wa Issa Bigirimana

Yanditswe na Nsengiyumva Emmy
Kuya 14 Mutarama 2023 saa 03:37
Yasuwe :

The Major wo mu itsinda rya Symphony Band ari mu buryohe bw’urukundo na Uwase Carine wamenyekanye cyane ubwo yakundanaga na Issa Bigirimana wabaye rutahizamu wa APR FC.

Ku munsi mukuru w’amavuko w’uyu mukobwa, The Major yamwibukije ko amukunda bikomeye ndetse amushimira urukundo yamuhaye.

Ati “Warakoze ku bihe byiza wazanye mu buzima bwanjye, isabukuru nziza mukunzi, ndagushakira ibyiza kandi ndagukunda.’’

Uyu mukobwa nawe yibukije The Major ko yamwihebeye.

Mu kiganiro na IGIHE, The Major yemeye amakuru y’uru rukundo ahamya ko ari umukobwa bamaranye imyaka itatu nubwo batigeze bashaka gushyira mu itangazamakuru inkuru z’urukundo.

Ati “Tumaranye imyaka itatu dukundana, wenda ubu nibwo mubimenye ariko nyine tumaranye igihe rwose.”

Mu 2019 nibwo Issa Bigirima yambitse impeta uyu mukobwa icyakora inkuru y’urukundo rwabo icyendera gake gake kugeza ubwo batandukanye burundu.

Nubwo Issa Bigirimana yemeje ko yatandukanye n’uyu mukobwa mu 2021 ariko amakuru ahari ahamya ko Uwase yari amaze igihe akundana na The Major ubarizwa mu itsinda rya Symphony Band.

Uwase umaze igihe mu rukundo na The Major mu ibanga rikomeye
Uwase na The Major bamaze igihe mu rukundo
Uwase yinjiye mu rukundo na The Major amaze gushyira ku ruhande impeta

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .