00:00:00 IGIHE NETWORK KN KINYARWANDA EN ENGLISH FR FRANCAIS

Dosiye ya Miss Iradukunda Elsa yashyikirijwe Ubushinjacyaha

Yanditswe na Nsengiyumva Emmy
Kuya 16 May 2022 saa 11:01
Yasuwe :

Urwego rw’Igihugu rw’Ubugenzacyaha rwashyikirije Ubushinjacyaha dosiye ya Miss Iradukunda Elsa na Notaire Uwitonze Nasira bakurikiranyweho ibyaha bitatu birimo icyo gutanga ubuhamya bw’ibinyoma.

Ku wa Gatanu tariki 13 Gicurasi 2022 nibwo dosiye y’abaregwa yashyikirijwe urukiko.

Mu byaha bakurikiranyweho harimo icyo gutanga ubuhamya bw’ibinyoma. Amategeko agena ko uwagikoze abigambiriye iyo kimuhamye ahanishwa igifungo kitari munsi y’umwaka umwe ariko kitarenze imyaka itatu n’ihazabu y’ibihumbi 500 Frw ariko itarenze 1 000 000Frw.

Ikindi cyaha bakurikiranyweho ni ukoshya abitabajwe mu nzego z’ubutabera.

Cyo iyo umuntu agihamijwe n’urukiko, ahanishwa igifungo kitari munsi y’umwaka umwe ariko kitarenze imyaka ibiri n’ihazabu itari munsi y’ibihumbi 500 Frw ariko itarenze 1 000 000frw.

Ikindi cyaha bakurikiranyweho ni uguhimba, guhindura inyandiko cyangwa gukoresha inyandiko mpimbano.

Kibahamye, bahanishwa igifungo kitari munsi y’imyaka itanu ariko kitarenze imyaka irindwi n’ihazabu y’amafaranga atari munsi ya 3 000 000 Frw ariko atarenga 5 000 000 Frw cyangwa kimwe gusa muri ibyo bihano.

Izindi nkuru bifitanye isano;

-Notaire wafatanyije na Miss Iradukunda Elsa yafunzwe

-Miss Iradukunda Elsa yatawe muri yombi

Dosiye ya Miss Iradukunda Elsa na Notaire Uwitonze yashyikirijwe Ubushinjacyaha

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .