Ni ibirori byabimburiwe n’umuhango wo gusezerana imbere y’Imana byabereye ku Kimuhurura ahitwa ‘Marie Auxiriatrice Church’.

Nyuma yo gusezerana imbere y’Imana, abageni bagiye kwakirira abatumiwe mu nyubako ya Intare Conference Arena iherereye i Rusororo.

Muri ibi birori, abageni bahawe icyubahiro n’abakinnyi ba Golf. Ubwo binjiraga mu cyumba bagombaga kwakiriramo abantu, hari hakozwe imirongo ibiri y’abagabo bakina uyu mukino bafite n’inkoni zifashishwa muri uyu mukino maze Miss Aurore n’umugabo we batambuka hagati yabo ariko bacurangirwa umuziki n’umuhanga mu kuvuza Saxophone.

Abakinnyi ba Golf bahaye icyubahiro abageni bitewe n’uko Gatera Jacques, ari umwe mu bakinnyi bakomeye b’uyu mukino usigaye unakundwa bikomeye na Miss Aurore Kayibanda.

Bamwe mu bafite amazina bitabiriye ubu bukwe bwari buyobowe na MC Lion Imanzi, barimo Muyoboke Alex, David Bayingana, Umusizi Rumaga, Kate Bashabe,Tonzi n’abandi banyuranye.

Muri Mutarama 2023 ni bwo Gatera yafashe icyemezo yambika impeta Miss Kayibanda amusaba ko bazabana akaramata undi na we yemera atazuyaje.

Miss Kayibanda na Gatera bari basanzwe batuye muri Leta Zunze Ubumwe za Amerika, ni na ho basezeraniye imbere y’amategeko mbere y’uko bemeranya gukorera ubukwe mu Rwanda ari na ho bazatura.

Miss Aurore Kayibanda yambitswe Ikamba rya Miss Rwanda mu 2012, mu 2015 aza kwerekeza muri Leta Zunze Ubumwe za Amerika aho yari agiye gukomereza amashuri.

Ucuranga umuziki yagendaga aha ibyishimo abageni ubwo binjiraga mu cyumba bakiriyemo abatumirwa mu bukwe bwabo

Abakinnyi ba Golf bahaye icyubahiro abageni

Byari ibyishimo kuri Miss Aurore Kayibanda ubwo yinjiraga mu cyumba cyakiriwemo abatumirwa mu bukwe bwabo

Gatera Jacques yitegereza abatashye ubukwe ababwira ati "Mwakoze kuza!"

Byari ibyishimo bikomeye kuri Gatera Jacques wakoze ubukwe na Miss Aurore Kayibanda

Ifoto ubwayo irivugira, ibyishimo byari byose ku bageni

Nyuma yo kugera mu cyumba cyari cyakoraniyemo abo batumiye, hakurikiyeho umuhango wo kubakira

Platini P yatashye ubukwe bw'inshuti ye Aurore Kayibanda

Abageni bahawe umwanya wo gukatana umutsima wo kuzimanira abashyitsi

Kate Bashabe yari mu batashye ubukwe bwa Miss Aurore Kayibanda

Umusizi Rumaga, Muyoboke Alex na David Bayingana ni bamwe mu batashye ubukwe bwa Miss Aurore Kayibanda

Miss Aurore Kayibanda hari aho byageraga kwifata bikanga akagaragaza ibyishimo bikomeye

Tonzi ni umwe mu bitabiriye ubukwe bwa Miss Aurore Kayibanda

Amafoto: Kasiro Claude