Umuhanzi Bably yambitse undi mukobwa impeta nyuma y’igihe gito atandukanye n’uwo bashakanye

Yanditswe na Nsengiyumva Emmy
Kuya 16 Gashyantare 2020 saa 05:35
Yasuwe :
0 0

Umuraperi Bably aherutse kwambika impeta Umumararungu Huguette nyuma y’igihe gito atandukanye n’umugore we wa mbere.

Mu 2017 nibwo Bably yakoze ubukwe n’umufasha we wa mbere witwa Bukuru Husna.

Uyu muraperi wamenyekanye cyane mu Rwanda mu minsi ishize, yambitse impeta undi mukobwa amusaba ko barushinga.

Amakuru yo kwambika impeta uyu mukobwa witwa Umumararungu Huguette, twayahamirijwe n’inshuti ya hafi y’aba watubwiye ko bamaze igihe bakundana dore ko banakuranye.

Uyu waduhaye amakuru yagize ati”Ni abantu bakuranye kuva na mbere, yari yaratandukanye n’umwe bashakanye. Ageze muri Suède ahura n’uwo bakundanye cyera none byarangiye amwambitse impeta.”

Bably muri iyi minsi uri kuba muri Suède niho yahuriye na Umumararungu bamaze kwemeranya kubana.

Nkuko amakuru ava mu nshuti z’aba bombi abihamya ngo ubukwe bwa Bably buteganyijwe muri uyu mwaka wa 2020.

Uyu muraperi kuri ubu usa naho yabaye ashyize ku ruhande ibya muzika, hari amakuru avuga ko ari gukorana album na Lick Lick wanamukoreraga mbere.

Bably yari yakoze ubukwe na Bukuru Husna mu 2017
Bably ari mu rukundo n'Umumararungu bongeye guhurira muri Suède aho asigaye atuye
Bably ari mu rukundo n'iyi nkumi yamaze gusaba ko bakora ubukwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza