00:00:00 IGIHE NETWORK KN KINYARWANDA EN ENGLISH FR FRANCAIS

B Threy yashyize hanze amatariki y’ubukwe bwe: Uburanga bw’inkumi agiye gushaka (Amafoto)

Yanditswe na Nsengiyumva Emmy
Kuya 21 Mutarama 2023 saa 11:41
Yasuwe :

Umuraperi B Threy yamaze gusohora integuza y’ubukwe bwe n’inkumi yitwa Keza bamaze igihe mu rukundo bakaba bitegura kurushinga ku wa 11 Werurwe 2023.

Ni ubukwe uyu muraperi amaze iminsi ategura bucece kugeza ubwo muri izi mpera z’icyumweru hasohotse integuza z’ubukwe bwe.

Amakuru ahari ahamya ko B Threy n’uyu mukobwa bamaze igihe mu rukundo, icyakora bakaba barahisemo kurugira ibanga kugeza mu mpeshyi y’umwaka ushize ubwo batangiraga kurugaragariza ababakurikira ku mbuga nkoranyambaga.

Ku wa 27 Nyakanga 2022 ubwo B Threy yizihizaga isabukuru y’amavuko, Keza yamubwiye amagambo agaragaza urukundo bafitanye.

Yagize ati “Ndakwifuriza ubuzima bwuzuye umunezero n’ibyishimo, warakoze kuba uwo uri we kuri njye […] isabukuru nziza rukundo rwanjye. Ndagukunda cyane.”

Ni amagambo yakiriwe neza n’uyu muraperi wagize ati “Nanjye ndagukunda.”

Bertrand Muheto wiyise B-Threy uri mu batangije injyana ya Kinyatrap, ni umwe mu baraperi bamaze kuzamura izina ryabo.

Mu 2019 uyu muraperi yasezeye muri Green Ferry Music ya Dr Nganji yamufasha we na bagenzi be bakoranaga injyana ya Kinyatrap yiyemeza gutangira urugendo rwe mu muziki.

B Threy amaze kugira album eshatu na EP imwe arizo ‘Nyamirambo’ na ‘2040’ yasohoye mu 2019, EP yise ‘Shwiii dah!’ yasohoye mu 2020 na album ye ya gatatu yise ‘Muheto wa mbere’ yasohotse mu 2022.

Hasohotse amatariki y'ubukwe bwa B Threy na Keza
B Threy n'umukunzi we mu myaka yo hambere bagitangira gukundana
Ngiyo inseko y'umwari wiyeguriye umutima w'umuraperi uri mu bagezweho...
Nta makuru menshi azwi kuri Keza ugiye kurushinga na B Threy
Keza amaze igihe akundana na B Threy mu buryo bagize ibanga
Keza ugiye kurushinga na B Threy
Keza wigaruriye umutima wa B Threy
B Threy n'umukunzi we bitegura kurushinga mu minsi iri imbere
Ubukwe bwahumuye, B Threy agiye kurushinga na Keza bamaze igihe bakundana
Keza udakunze gukoresha imbuga nkoranyambaga cyane bake bamukurikira bakururwa n'ikimero cye
Keza amaze igihe akundana na B Threy nubwo amakuru y'urukundo rwabo ari mashya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .