00:00:00 IGIHE NETWORK KN KINYARWANDA EN ENGLISH FR FRANCAIS

Aurore Kayibanda yongeye kwambikwa impeta

Yanditswe na Nsengiyumva Emmy
Kuya 18 Mutarama 2023 saa 06:41
Yasuwe :

Aurore Kayibanda wegukanye ikamba rya Miss Rwanda yongeye kwambikwa impeta n’umusore bitegura kurushinga nyuma y’imyaka hafi ibiri atandukanye na Mbabazi Egide wari wamwambitse iya mbere bakanakora ubukwe.

Amafoto yasakajwe ku mbuga nkoranyambaga agaragaza Kayibanda yambikwa impeta n’undi musore bitegura kurushinga.

Nubwo aya mafoto akomeje gusakazwa ku mbuga nkoranyambaga, nta makuru menshi aratangazwa kuri uyu musore wambitse impeta Kayibanda.

Mu nshuro IGIHE yagerageje kuvugisha uyu mukobwa ngo aduhe amakuru menshi ku by’impeta yambitswe ntiyigeze yitaba telefone ye igendanwa.

Kayibanda yari yarambitswe impeta mu 2018 ubwo Mbabazi Egide yasabaga uyu mukobwa ko barushinga.

Mu 2021, uyu mukobwa yifashishije imbuga nkoranyambaga yaje gutangaza ko yatandukanye na Mbabazi ndetse ahishura ko agiye kwandika igitabo ku buzima bw’urukundo yanyuzemo.

Icyakora mu minsi ishize, uyu mukobwa yabajijwe iby’icyo gitabo avuga ko yaje gusanga yahitamo kwandika igifitiye Abanyarwanda benshi akamaro kurusha ikimureba wenyine.

Ku rundi ruhande aherutse kubwira abamukurikira ko ari mu rukundo nubwo atahishuye ngo ahamye ko ari urw’umusore bitegura kurushinga.

Umukunzi mushya wa Kayibanda yarambitse ivi ku butaka yambika impeta uyu mukobwa
Kayibanda yari mu byishimo nyuma yo kwambara impeta
Mu 2018 ubwo Kayibanda yari amaze kwambikwa impeta ibyishimo byaramurenze
Mu 2018 ibyishimo byarenze Kayibanda asuka amarira
Uretse impeta yambitswe na Mbabazi aba bombi baje no gukora ubukwe
Icyakora mu 2021 Kayibanda yari aherutse kwemeza ko yatandukanye na Mbabazi bari bamaze igihe mu rukundo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .