Anita Pendo yabwiye IGIHE ko yasezeye ku mpamvu ze bwite, anaboneraho umwanya wo gushimira abo bakoranye bose muri RBA.

Ati “Ni ibintu bidasanzwe kumara imyaka 10 mu kigo kimwe, ni iby’agaciro kuba uyu munsi ndi umwe muri bake bari bamazemo iyo myaka yose. Nahigiye byinshi kandi baramfashije. Ni ahantu nubakiye izina, mpungukira n’ubumenyi. Ndashimira ubuyobozi bwa RBA ndetse n’abakozi bose twabanye.”

Anita Pendo yavuze ko nubwo yasezeye muri RBA mu gihe kiri imbere azatangaza ibindi yekerejemo.

Anita Pendo ni umunyamakuru wamamaye cyane mu bitangazamakuru binyuranye akaba umu-DJ n’umuyobozi w’ibitaramo bikomeye mu Rwanda.

Anita Pendo yamaze gusezera muri RBA yari amazemo imyaka icumi