00:00:00 IGIHE NETWORK KN KINYARWANDA EN ENGLISH FR FRANCAIS

Angélique Kidjo na Black Coffee batsinze muri Grammy Awards

Yanditswe na Uwiduhaye Theos
Kuya 4 April 2022 saa 09:51
Yasuwe :

Umuhanzi w’Umunya-Benin, Angélique Kidjo, n’umu-Dj w’Umunyafurika y’Epfo, Nkosinathi Innocent Sizwe Maphumulo, uzwi nka Black Coffee begukanye ibihembo bya Grammy Awards.

Ni ibihembo byatanzwe kuri iki Cyumweru tariki 3 Mata 2022. Kidjo yegukanye igihembo mu cyiciro cya Best Global Music Album abikesheje album ye aheruka gushyira hanze mu 2021. Iyi album igaragaraho abandi bahanzi nka Burna Boy, Yemi Alade, Mr Eazi n’abandi.

Uyu mugore w’imyaka 61 yahigitse abo bari bahanganye barimo abanya-Nigeria Wizkid na Femi Kuti ndetse n’Umunya-Ghana Rocky Dawuni.

Si ubwa mbere Angélique Kidjo atwaye igihembo cya Grammy cyane ko yari asanganywe ibindi bine yatwaye mu 2014, 2015 na 2019.

Ahabwa igihembo cye, uyu mubyeyi yashimiye igisekuru gishya mu muziki gikomoka muri Afurika, avuga ko kiri kuzana impinduka zigiye gutuma cyigarurira imitima y’abakunzi b’umuziki batuye isi.

Umunya-Afurika y’Epfo, Black Coffee, yatwaye igihembo mu cyiciro cya Best dance/electronic music album. Yari ahanganye n’abarimo Sylvan Esso, Illenium, Major Lazer, Ten City na Marshmello. Ni ku nshuro ya mbere yari atwaye iki gihembo gusa cyaje gisanga ikindi cya BET aheruka kwegukana.

Yafashe iki gihembo ari kumwe n’umuhungu we mukuru witwa Esona. Yavuze ko ashimira Imana ku bw’impano y’umuziki yamuhaye ndetse ikabamubashisha kuwusangiza Isi no komora inguma abantu kubera ibyo bari kunyuramo.

Umuririmbyi Jon Batiste niwe wegukanye ibihembo byinshi muri itangwa rya Grammy Awards uyu mwaka. Uyu musore yegukanye ibihembo bitanu birimo icya album y’umwaka ari nacyo gihembo nyamukuru cyarimo. Iki yagitwaye kubera album yise ‘We are’.

Ye yatwaye ibihembo bibiri birimo icya Best melodic rap performance abikesheje “Hurricane” yahuriyemo na The Weeknd na Lil Baby. Indirimbo ye yitwa “Jail” nayo yatwaye ikindi gihembo cya Best Rap Song iyi ndirimbo yayihuriyemo n’abarimo Jay-Z.

Ibi birori byari biyobowe n’Umunyarwenya Trevor Noah byaragayemo Perezida wa Ukraine Volodymyr Zelenskyy mu mashusho yari yafashwe mbere y’uko biba. Yasabye abahanzi kugira icyo bakora mu rugamba igihugu cye kirimo gihanganyemo n’u Burusiya bifashishije umuziki.

Abahanzi barimo Mika Newton, John Legend na Siuzanna Iglidan baririmbye mu itangwa ry’ibi bihembo byatangwaga ku nshuro ya 64.

Ushaka kureba urutonde rw’abatsinze bose Wakanda hano:

Angélique Kidjo yaherukaga kwegukana Grammy mu 2019
Uyu mugabo yatwaye igihembo cye cya mbere cya Grammy

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .