00:00:00 IGIHE NETWORK KN KINYARWANDA EN ENGLISH FR FRANCAIS

Amerika: Umuraperi yarasiwe mu rugo

Yanditswe na Uwiduhaye Theos
Kuya 6 June 2022 saa 06:22
Yasuwe :

Umuraperi w’Umunyamerika Mariel Semonté Orr wamamaye nka Trouble cyangwa se Skoob yishwe arashwe, ubwo yari iwe mu rugo mu mujyi wa Atlanta, muri Leta ya Georgia iherereye muri Amerika.

Uyu muraperi w’imyaka 34, Def Jam Recordings, yamurebereraga inyungu niyo yemeje urupfu rwe.

Yanditse ku rukuta rwa Instagram iti “Ibitekerezo byacu n’amasengesho biri ku bana, abakunzi ndetse n’abafana ba Trouble. Ijwi rya nyarwo ry’Umujyi we ndetse akaba n’intangarugero kuri sosiyete yari ahagarariye.”

Ikinyamakuru Variety cyatangaje ko uyu musore yapfuye mu rukerera rwo ku Cyumweru tariki 5 Kamena, mu nyubako ya Lake St. James Apartments muri Conyers aho yari atuye.

Jamichael Jones w’imyaka 33, bikekwa ko ari we wamwishe ndetse yahise ashyirirwaho impapuro zo kumuta muri yombi.

Trouble yamenyekanye mu ndirimbo nka “Bring It Back,” "Ain’t My Fault" , "Come Thru” n’izindi.

Abaraperi barimo Drake, TI, Meek Mill na Gucci Mane bagaragaje ko bashenguwe n’urupfu rw’uyu musore.

Trouble yishwe afite imyaka 34
Trouble yiciwe iwe mu rugo aho yari atuye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .