00:00:00 IGIHE NETWORK KN KINYARWANDA EN ENGLISH FR FRANCAIS

Amerika: Umuraperi Wavy Navy Pooh yishwe arashwe

Yanditswe na Uwiduhaye Theos
Kuya 16 January 2022 saa 12:58
Yasuwe :

Umuraperi Wavy Navy Pooh wari uzwi ku mazina ya Shandler Beaubien yishwe arashwe mu gihe yari atwaye imodoka.

Wavy Navy Pooh yarasiwe muri Miami mu gihe yari atwaye abana be babiri mu modoka yo mu bwoko bwa Toyota.

Ikinyamakuru WSVN ni cyo cyatangaje ubwa mbere inkuru y’urupfu rw’uyu muraperi w’imyaka 28. Cyatangaje ko uyu musore yarashwe urufaya rw’amasasu n’umuntu wagiye mu ruhande utwaye yari arimo maze akaza kumuhitana.

Polisi yo muri Florida, Leta uyu musore yari atuyemo ari naho yarasiwe yatangaje ko uyu musore yarashwe ari kumwe n’abana babiri ndetse n’umugore ariko bose nta n’umwe wagize ikibazo.

Label ya Quality Control, uyu muhanzi yabarizwagamo na yo yatangaje ko ibabajwe n’urupfu rw’uyu musore.

Yanditse ku mbuga nkoranyambaga igira iti “N’agahinda kenshi turatangaza ko twabuze umwe mu bahanzi twakundaga, Wavy Navy Pooh. Yari yari yarashyize umutima n’ubugingo bwe mu muziki […] ubuzima bwawe bwari umugisha ndetse ntuzibagirana. Ibitekerezo byacu biri ku muryango wawe muri iki gihe.”

Ntabwo umuntu waba ukekwaho kugira uruhare mu rupfu rw’uyu muhanzi aratabwa muri yombi.

Uyu musore yaherukaga gushyira hanze album yise “Murder is a Major Issue (MIAMI)” mu 2020.

  Reba imwe mu ndirimbo za Wavy Navy Pooh

Wavy Navy Pooh yishwe arashwe
Uyu musore yari kumwe n'abandi bantu batatu ariko bo nta n'umwe wagize ikibazo gihambaye
Imodoka uyu muraperi yari atwaye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .