00:00:00 IGIHE NETWORK KN KINYARWANDA EN ENGLISH FR FRANCAIS

Amb. Musoni James yashimiye Israel Mbonyi wahurije mu gitaramo Abanyarwanda batuye muri Zimbabwe

Yanditswe na Nsengiyumva Emmy
Kuya 20 June 2022 saa 08:54
Yasuwe :

Ambasaderi Musoni James uhagarariye u Rwanda muri Zimbabwe yashimiye Israel Mbonyi wabashije guhuriza mu gitaramo Abanyarwanda batuye muri Zimbabwe.

Ibi Ambasaderi Musoni James yabigarutseho ubwo yakiraga Israel Mbonyi n’itsinda ry’abacuranzi bajyanye gutaramira muri Zimbabwe aho yakoreye igitaramo ku Cyumweru, tariki 19 Kamena 2022.

Ni igitaramo cyabereye mu Mujyi wa Harare, aho Israel Mbonyi ari kumwe n’itsinda ry’abacuranzi bamufasha basusurukije Abanyarwanda n’inshuti zabo bari bambariye kumushyigikira.

Israel Mbonyi yavuze ko Ambasaderi yabashimiye kuba babashije guhuza Abanyarwanda batuye muri Zimbabwe cyane ko nubwo ari igihugu gituwe n’Abanyarwanda benshi ariko badakunze kugira ibikorwa byinshi bibahuza.

Ambasaderi Musoni yibukije Israel Mbonyi ko Zimbabwe ari igihugu cyiza gifite umutekano ku buryo uretse na bo n’undi muhanzi w’Umunyarwanda wakwifuza kuhakorera igitaramo yakakirwa neza.

Ati “Yatwibukije ko nk’abahanzi twajya tujya gutaramira muri Zimbabwe bigahuza Abanyarwanda bahatuye bityo bikabaha umwanya wo kuganira ku Gihugu cyabo.”

Israel Mbonyi yerekeje muri Zimbabwe mu gitaramo yatumiwemo kwifatanya mu kuramya no guhimbaza Imana n’abakirisitu bo mu Idini rya Pentekote batuye muri iki gihugu.

Ni igitaramo cyitabiriwe n’abiganjemo Abanyarwanda n’inshuti zabo ziba mu Mujyi wa Harare zirimo abakomoka mu bihugu bituranyi by’u Rwanda batuye muri Zimbabwe kimwe n’Abanya- Zimbabwe.

Mu ndirimbo ze zikunzwe n'abakirisitu batari bake, Israel Mbonyi yataramiye Abanyarwanda n'inshuti zabo batuye muri Zimbabwe
Abitabiriye igitaramo cya Israel Mbonyi muri Zimbabwe batashye bizihiwe
Byari ibyishimo ubwo benshi babonaga Israel Mbonyi ari kubataramira
Nyuma y'igitaramo, kuri uyu wa Mbere tariki 20 Kamena 2022 Ambasaderi Musoni James yakiriye mu biro Israel Mbonyi n'itsinda bakorana
Ambasaderi Musoni James yabwiye Israel Mbonyi n'itsinda rimufasha ko muri Zimbabwe hari amahoro bityo ko ntawe ukwiye kwikangayo ikibazo cy'umutekano
Ambasaderi Musoni James yasabye Israel Mbonyi gukangurira abandi bahanzi kujya gutaramira muri Zimbabwe kuko hatuye Abanyarwanda benshi bakeneye kubona ibitaramo by'abahanzi b'iwabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .