Ku nteguza z’ubukwe yahaye inshuti ze, Umutesi byitezwe azarushinga na Peter Nasasira ku wa 2 Ukwakira 2022.

Abinyujije ku mbuga nkoranyambaga ze, Umutesi yagize ati “Muratumiwe mu birori by’ubukwe bwacu, buteganyijwe ku wa 2 Ukwakira 2022. Kwitabira kwanyu ni umugisha kuri twe.”

Mu ijoro ryo ku wa 16 Nyakanga 2022 nibwo Umutesi yambitswe impeta n’umusore witwa Peter Nasasira. Bari mu birori byo kwizihiza isabukuru y’amavuko y’uyu musore.

Nubwo nta kamba Umutesi yegukanye mu irushanwa rya Miss Rwanda 2021, ni umwe mu bagarutsweho cyane ubwo umuhanzi Ali Kiba wo muri Tanzania yavugaga ko ari we ashyigikiye.

Icyo gihe benshi bibajije ku mubano udasanzwe aba bombi baba bafitanye, icyakora urabura.

Umutesi Léa yamaze gutangaza amatariki y'ubukwe bwe

Mu minsi ishize ubwo Peter Nasasira yarambikaga ivi ku butaka agasaba Umutesi Léa ko yazamubera umugore

Umutesi Léa ni umwe mu bakobwa bahataniraga ikamba rya Miss Rwanda 2021

Umutesi Léa amaze kwambikwa impeta yavuze ko yishimiye kuba agiye kumara igice cy'ubuzima asigaje ku Isi abana n'umusore akunda

Umutesi Léa ari kwitegura kurushinga na Peter Nasasira uherutse kumwambika impeta yo kumusaba ko bazabana akaramata

Ibyishimo ni byose kuri Umutesi Léa ugiye kurushinga