00:00:00 IGIHE NETWORK KN KINYARWANDA EN ENGLISH FR FRANCAIS

Amandah Darling yerekanye umusore yasimbuje Wamukota Tom Bush

Yanditswe na Nsengiyumva Emmy
Kuya 18 Mutarama 2023 saa 10:29
Yasuwe :

Isimbi Amandine wamamaye nka Amandah Darling yamaze kugaragaza umusore wo muri Uganda yeguriye umutima we nyuma yo gutandukana na Wamukota Tom Bush babyaranye mu minsi ishize.

Amakuru IGIHE yabonye ni uko Amandah Darling umaze iminsi muri Uganda ari mu munyenga w’urukundo n’umusore wo muri iki gihugu uri mu bakiri bato bafite amafaranga atubutse nubwo amazina ye tutabashije kuyamenya.

Abinyujije ku mbuga nkoranyambaga, Amandah Darling yasangije abamukurikira amafoto agaragaza umusore ahamya ko yihebeye ahamya ko ari we mukunzi we mushya.

Mu kiganiro na IGIHE, Amandah Darling yemeje ko kugeza ubu afite umukunzi mushya wo muri Uganda ariko yirinda kugaruka ku mazina ye.

Ati “Ni umukunzi wanjye ariko ntabwo akunda ibintu by’itangazamakuru, ni nayo mpamvu ubona twifotoje atagaragara mu maso ariko ndamukunda kandi na we arankunda.”

Ni umusore Amandah Darling asimbuje Wamukota Tom Bush wamamaye muri Patriots BBC batandukanye muri Nyakanga 2022 nyuma y’umwaka umwe bari bamaze bibarutse imfura yabo.

Urukundo rwa Isimbi na Wamukota rwatangiye kugurumana mu mpeshyi yo mu 2020 ubwo icyorezo cya Covid-19 cyari gikomeje guca ibintu ku Isi yose.

Isimbi Amanda yabaye igisonga cya Nyampinga w’iryahoze ari ishuri ry’Imari n’Amabanki (SFB) mu 2013. Azwi cyane nk’umwe mu bakoresha imbuga nkoranyambaga bakunzwe.

Amandah Darling yerekanye umusore yasimbuje Wamukota Tom Bush
Wamukota Tom Bush wahoze akundana na Amandah Darling yamenyekanye ubwo yakiniraga Patriots BBC
Amandah Darling yatandukanye na Wamukota Tom Bush bari baherutse kwibaruka imfura yabo
Amandah Darling yerekanye umusore wo muri Uganda wamutwaye umutima

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .