Ibi biorori byabereye muri Kigali City Tower mu ijoro ryo ku wa 13-14 Ukuboza 2024, ahari hakoraniye umubare munini w’abakinnyi ba sinema biganjemo abasanzwe bakorana n’ikigo Zacu Entertainment.

Nk’uko Nelly Wilson Misago, Umuyobozi wa Zacu Entertainment yabitangarije IGIHE, iki gikorwa cyari kigamije gushimira abakinnyi, abatunganya filime, abafatanyabikorwa ndetse na buri wese wafashije iki kigo mu mwaka wa 2024.

Uretse gushimira abagize uruhare mu bikorwa bakoze mu 2024, ubuyobozi bwa Zacu Entertainment bwaboneyeho no guteguza imishinga mishya bateganya gushyira mu bikorwa mu 2025.

Mu ijambo rye, Wilson Misago, Umuyobozi Mukuru wa ZACU Entertainment, yashimiye uruhare rw’abafatanyabikorwa mu kugera ku ntego zabo, anagaruka ku byagezweho kuva ZACU TV yatangizwa mu mwaka wa 2022.

Bimwe mu byo bishimira ni uko Zacu TV yabaye shene ikomeye itambutswaho filime zo mu Kinyarwanda ndetse ikanafasha mu gutunganya filime mpuzamahanga nka ‘The Bishop Family’ n’izindi zinyuranye.

Nelly Wilson Misago yavuze ko mu myaka ibiri ishize Zacu Entertainment yatanze akazi ku bantu barenga 300, inatanga imisoro y’arenga miliyoni 120Frw.

Sophie Tchatchoua, Umuyobozi Mukuru wa CANAL+ Rwanda, nawe mu ijambo rye yibanze cyane ku gushimira uruhare Zacu Entertainment ikomeje kugira muri sinema y’u Rwanda.

Igihozo Nshuti Mireille ubwo yafataga ifoto mbere yo kwinjira ahabereye ibirori

Madedeli yitabiriye ibi birori ari kumwe n'umwana we

Ni uku Dogiteri Nsabii yaserutse

Papa Sava ni umwe mu bitabiriye ibi birori

Buri wese yari yakoze ku mwenda we w'ibirori

Siperansiya ubwo yafataga ifoto ku itapi y'umutuku yari yateguwe

Mutiganda wa Nkunda yari yaserukanye n'umugore we

Nelly Wilson Misago afatana ifoto na Sophie Tchatchoua, Umuyobozi Mukuru wa CANAL+ Rwanda

Young C uzwi mu kwambika ibyamamare nawe ni uku yaserutse

Abitabiriye ibi birori bagaragazaga akanyamuneza mu maso

Saranda na Nelly Wilson Misago ubwo bafatanaga ifoto y'urwibutso

Irafasha Sandrine Reponse ni uku yaserutse muri ibi birori

Digidigi ni umwe mu bakinnyi ba filime bitabiriye ibi birori

Mutako Sonia uzwi muri sinema y'u Rwanda ni uku nawe yaserutse muri ibi borori

Francis Zahabu ufatanya gukina filime no guhanga imideli nawe yari yabukereye

Irakoze Vanessa Ariane uri mu bakunzwe muri sinema y'u Rwanda ni umwe mu bari bambaye neza

Clapton Kibonge ubwo yafataga ifoto y'urwibutso

Bamenya ni umwe mu bari batumiwe muri ibi birori

Rumaga nawe yari yitabiriye ibi birori