Amafoto y’abakobwa bagiye gutoranywamo Miss Career Africa 2019 n’imishinga yabo

Yanditswe na Uwiduhaye Theos
Kuya 13 Ukuboza 2019 saa 01:58
Yasuwe :
0 0

Mu gihe amasaha abarirwa ku ntoki ngo hamenyekane Miss Career Africa w’umwaka wa 2019, ni ngombwa gusubiza amaso inyuma ku bahatanye ndetse n’imishinga ishobora gutuma umwe muri 29 bahatanye atahana $5000.

Iri rushanwa ntabwo rigendera ku bwiza bwo mu maso n’igihagararo umuntu afite gusa, ahubwo rireba ibitekerezo bye n’umushinga ufite ingufu wazazahura benshi.

Ku wa Kabiri tariki 10 Ukuboza 2019 abakobwa bari guhatanira ikamba rya Miss Career Africa batangiye umwiherero w’iminsi itatu. Abakobwa 27 baturutse mu Rwanda, RDC, Burundi na Uganda nibo bawitabiriye, gusa hari abandi batatu batabashije gutangirana n’abandi barimo babiri babasanzeyo n’undi umwe uzawukurikirana kuri Internet.

Muri iri rushanwa hazatangwa amakamba umunani arimo Miss Speaker, Miss Technology, Miss Hospitality, Miss Science, Miss Talent na Miss Art n’irya Miss Entrepreneur ryongeweho ubwo uyu mwiherero watangiraga.

Aba bakobwa bose bari muri iri rushanwa, ukuyemo ushobora kwegukana ikamba rimwe muri aya akanaba Miss Career Africa bazahembwa $1000 naho Miss Career Africa ahabwe $ 5 000. Aya yose bazifashisha mu gushyira mu bikorwa imishinga yabo ndetse bazanahabwa amahugurwa y’amezi atandatu, azatangira muri Gashyantare 2020.

Akanama nkemurampaka karaba gahagarariwe n’umuhanzi Muyombo Thomas [Tom Close], Uwase Hirwa Honorine wamamaye nka Miss Igisabo, Dr. Mercy Ngunjiri, Dr. Rubagumya Fidèle, Dr. Manirakiza Achille, umwanditsi w’ibitabo Karen Bugingo, Umulisa Yvonne na Cheez Muragwa.

Bruce Melodie na Victor Rukotana batangajwe nk’abahanzi basusurutsa abitabira igikorwa cyo gutoranya Miss Career Africa, kibera muri Kigali Conference and Exhibition Village [Camp Kigali] kuri uyu wa Gatanu.

Kwinjira ni 3 000 Frw ku banyeshuri, 5 000 Frw ahasanzwe, 10 000 Frw na 30 000 Frw mu myanya y’icyubahiro na 200 000 Frw ku meza y’abantu umunani.

Iri rushanwa riri guhuza abakobwa bo mu Biyaga Bigari, ntiribera mu Rwanda gusa kuko ryanajyanywe mu bihugu byo mu Burengerazuba bwa Afurika aho rizabera muri Nigeria guhera ku wa 30 Ugushyingo 2019 kugera ku wa 30 Ukuboza 2019.

Reba ubwo abakobwa bageraga mu mwiherero

Imigambi y’abakobwa bari guhatanira Miss Career Africa 2019

Uwihirwe Roselyne w'imyaka 22, afite umushinga wo kuzamura ubukerugendo ku hantu hafasha abantu kunguka ubumenyi
Umurundikazi Munezero Ornella w'imyaka 20, anasanzwe ari umunyamakuru kuri Radio y'i Bujumbura
Umurundikazi Hycinthe Habonimana w'imyaka 23 unafite ikamba ry'Igisonga cya Kabiri cya Miss Technology Burundi 2019 nawe yaje gushaka iri kamba
Umunye-Congo Elysee Fundiko w'imyaka 24, yitabiriye amarushanwa y'ubwiza ane abasha kwegukana ikamba rya Miss Independence w'Intara ya Kivu y'Amajyarugu, nawe ari mu bari guhatanira ikamba Rya Miss Career Africa
Umulisa Rosemary w'imyaka 22 afite umushinga yise Stand and shine, ugamije kurinda abagore n'abakobwa ingaruka zo gusezerana mbere y'igihe
Jaliyah Baluubu w'imyaka 20 wiga muri Makerere University ibijyanye na Psychologie. Asanzwe amurika imideli, akaba umubyinnyi, akora make-up, umwanditsi ndetse akayobora ifatwa ry'amafoto
Yvonne Umuhumuriza w'imyaka 19 nawe arashaka iri kamba
Uwingeneye Frida w'imyaka 19 we afite umushinga yise Make it happen
Nivyumuremyi Emmanuella nawe ukomoka mu Burundi afite imyaka 22 yiga muri kaminuza mu ishami rya Psychologie Clinique Sociale
Mukamwiza Yvette w'imyaka 20 we yiga mu mwaka wa kabiri w'Ishuri ry'Imyuga n'Ubumenyingiro rya IPRC Ngoma, umushinga we witwa Blind stick
Mireille Igihozo w'imyaka 22 wanitabiriye Miss Rwanda akagarukira ku rwego rw'Intara, nawe ari gushaka ikamba rya Miss Career Africa
Martine Uwimana w'imyaka 20 wize mu Agahozo-Shalom Youth Village we afite umushinga yise Kobwa House for Women, uzafasha abagore guterwa akanyabugabo bagakora ubugeni
Manzi Muneza Assoumer Redempta w'imyaka 22 wasoje amasomo ye muri Kaminuza ya Mount Kenya mu ishami ry'ikoranabuhanga
Mahoro Mireille Chadia w'imyaka 24 yiga Electrical Engineering muriIPRC Kigali
Solange Umulisa we afite umushinga witwa Thousand Hills of Food, ugamije kugemura ibiribwa byo mu Rwanda
Sheillah Munsabe nawe arashaka iri kamba
Ruzindana Wendy Ornella w'imyaka 19 afite umushinga yise Ejo Hacu Heza. Binyuze muri uyu mushinga, azubaka ikigo kizafasha abakene kuvumbura impano bifitemo no kuzibyazamo umusaruro
Gaella Ishimwe yiga ubuganga muri Mount Kenya University, afite umushinga ugamije guhangana na kanseri y'ibere
Faustine Iradukunda w'imyaka 22 wize ku Ishuri ry'Ubugeni ryo ku Nyundo, afite umushinga wo gukorera make-up abakora amafilime ndetse n'amashusho y'indirimbo mu Karere ka Afurika y'Iburasirazuba
Diana Uwimena w'imyaka 22 afite umushinga yise Jioha Adventures, ugamije guteza imbere ubukerarugende bw'imbere mu gihugu
Delphine Musemakweri Gakuba w'imyaka 18, umushinga we witwa Elevate Rwanda
Christelle Mazimpaka afite imyaka 19. Umushinga we witwa Rugori
Celine Umutesi afite imyaka 22, yiga Icungamutungo. Afite umushinga yise We Shine, Africa Shines
Ange Umutoni w'imyaka 21 yiga ibijyanye n'imiti muri Kaminuza y'u Rwanda, afite umushinga ujyanye no gufasha abana bafite ubumuga bwo kutumva yise Deaf Kids Foundation
Alice Lambert Rutayisire w'imyaka 19 wize kuri Maranyundo Girls School nawe arashaka iri kamba
Kundusenge Ritha Marie Ange wo mu Burundi afite imyaka 18, asanzwe ari umuhanzi w'imideli
Jeannette Uwizeye w'imyaka 21 we afite umushinga witwa Service beyond expectation, ugamije guteza imbere serivisi zo kwakira abantu

Amafoto: Muhizi Serge


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .