Uyu mukino wa gicuti wateguwe mu rwego rwo kumenyekanisha iki gitaramo giteganyijwe kubera n’ubundi ku Musozi wa Rebero ahitwa Canal Olympia ku wa 27 Ukuboza 2024.

Ni umukino warangiye abanyamakuru b’imikino banyagiye abaraperi ibitego 7-2.

B Threy nk’umwe mu bagaragaye mu kibuga ku ruhande rw’abaraperi yagize ati “Ibihe nk’ibi biba bikwiye, abantu bakongera bakaganira nubwo mu myaka yatambutse umubano w’abaraperi n’itangazamakuru utari mwiza.”

Ku rundi ruhande, Bull Dogg yagize ati “Ni byiza cyane kubona umushoramari wizerera mu baraperi kandi yaranakoranye n’abandi bahanzi, kera bavugaga ko abaraperi badashobotse. Icyo dushaka kwerekana ni uko tuzakora iki gitaramo kikitabirwa, ku bijyanye n’uruhande rwacu ibintu bizatangira mu mahoro binarangire mu mahoro nk’uko n’ubushize byagenze.”

Ku ruhande rw’abanyamakuru, Jado Castar we yagize ati “Imikino n’imyidagaduro ntabwo bikunda kuba byatana, ahubwo na hano iwacu babishyiremo imbaraga. Sinzi niba hari umuntu ugera ku Isi akayivaho atagize aho ahurira na siporo cyangwa ubuhanzi […]. Uretse natwe, no mu bihugu byamaze kugerayo, aba ni abantu babiri bafashanya."

Inkumi za Kigali Protocol zari zitabiriye uyu mukino

Ikipe y'abaraperi mbere y'uko umukino utangira yafatanye ifoto y'urwibutso

Ikipe y'abanyamakuru ba siporo yari yabukereye

Mbere y'umukino bafatanye ifoto y'urwibutso

Jay C na Khalikeza bahanganiye umupira

Jado Castar yishimira igitego yari amaze gutsinda abaraperi

Khalikeza na Jay C ni bamwe mu bari bahanganye bigaragara

Jado Castar yatsinze ibitego bibiri muri uyu mukino

Mbere y'uko igice cya kabiri gitangira, abaraperi babanje kujya inama

Jado Castar warangije igice cya mbere afite ibitego bibiri, aha yumvaga inama z'abatoza

Nyuma y'umukino Diplomate yishimiwe n'ikipe y'abanyamakuru ba siporo

B Threy mu kibuga hagati akurikiye umupira

Green P ni umwe mu baraperi bagaragaje ko bigeze gucongaho ruhago

Zeotrap yari yitabiriye uyu mukino

Umukino warangiye ubona Bull Dogg atumva uko batsinzwe