Mu mashusho yafashwe ubwo yari amaze gusohoka mu modoka, Ama G The Black n’itsinda bari kumwe bafotowe bari gucagura inkoko n’inkwavu bazishyira mu mifuka itandukanye.

Ubwo uyu muraperi yaganiraga n’abakunzi be, uwo yishimiye yamuhaga agafuka karimo inkoko cyangwa akarimo inkwavu.

Ibi uyu muhanzi abikoze nyuma y’iminsi yumvikanye ahamya ko ahugiye mu bworozi bw’amatungo magufi, ibituma atagikunda no kugaragara mu muziki cyane.

Ku rundi ruhande, uretse Ama G The Black, iki gitaramo cyitabiriwe n’abanyarwenya batandukanye barimo Umushumba, Pirate, Kaduhire Kadudu, Nkirigito Clement, Muhinde, MC Kandii na Musa, Isacal n’abandi benshi.

Ubusanzwe ibitaramo bya Gen-Z Comedy bitegurwa na Fally Merci, biba kabiri mu kwezi bigahuza urubyiruko rw’abanyarwenya n’abakunzi babo.

Ibi bitaramo biherutse kwizihiza imyaka itatu ishize bitangiye gutegurwa, kuri ubu ni bimwe mu bidakunze gusiba kandi bikunzwe n’abanyamujyi.

Ama G The Black yitabiriye iki gitaramo yitwaje inkoko n'inkwavu mu modoka

Mu modoka harimo n'udufuka two gupfunyikiramo abafana

Itsinda rya Tia Kids ryagaragaje impano yabo muri iki gitaramo

Abafana bitabiriye ari benshi muri iki gitaramo

Isacal ni uku yari yaserutse mu gitaramo cya Gen-Z Comedy

Nkirigito Clement yatanze ibyishimo ku bakunzi b'iki gitaramo

Kaduhire Kadudu uri mu banyarwenya bo muri Gen-Z Comedy yatanze ibyishimo ku bitabiriye iki gitaramo

Pirate na Fally Merci bashimishije bikomeye abitabiriye iki gitaramo

Muhinde ni umwe mu banyarwenya bakunzwe muri Gen-Z Comedy

Abitabiriye Gen-Z Comedy batashye bishimye

Umushumba wazamukiye muri Gen-Z Comedy kuri ubu ni umwe mu bakunzwe mu Rwanda

Umushumba ni umwe mu bishimiwe bikomeye mu gitaramo cya Gen-Z Comedy

Ama G The Black yahaye abitabiriye Gen-Z Comedy inkoko n’inkwavu

Ama G The Black yaganirije abitabiriye Gen-Z Comedy