Alto warokotse amavugurura yabaye muri Ladies Empire yasohoye indirimbo nshya “Ndacyagukunda”

Yanditswe na Nsengiyumva Emmy
Kuya 18 Gashyantare 2020 saa 12:33
Yasuwe :
0 0

Dusabe Eric uri kuzamukira ku izina rya Alto mu muziki ni umwe mu bahanzi bake basigaye muri Ladies Empire iherutse kuvugurura imikorere cyane ko yayisigaranyemo na Oda Paccy unayiyobora kugeza magingo aya.

Alto yasigaye muri Ladies Empire nyuma yuko ibayemo impinduka zahereye ku izina ndetse n’abo bakoranaga barimo n’abahanzi bari bariyemeje gufasha.

Kuri ubu Ladies Empire ifite abahanzi babiri barimo Alto ari nawe gusa Oda Paccy yasigaranye mu bo bakoranaga, uyu musore kuri ubu yashyize hanze indirimbo nshya yise “Ndacyagukunda” yahise isohokana n’amashusho yayo.

Iyi ndirimbo yumvikanamo amagambo y’urukundo umuhungu aba abwira umukobwa batandukanye akajya kwishakira undi musore amwibutsa ko amukumbuye.

Ati “Burya ribara uwariraye amahitamo yari ayawe gusa ntacyo ngushinja, ndacyagunda ni ukuri njya ngukumbura wowe untera irungu.”

Alto yasigaye muri Ladies Empire mu gihe Nessa bayibanagamo we asa n’uwasezerewe nubwo ubuyobozi bwayo bwo butajya bwifuza kugira icyo bubivugaho, usibye abahanzi bakozwemo impinduka n’abatunganya indirimbo muri iyi studio barahinduwe.

Iyi ndirimbo nshya ya Alto yakozwe na Producer X wasimbuye Junior Multisystem mu gihe amashusho yayo yo yafashwe akanatunganywa na Bob Chris wasimbuye umugande witwa Frank nawe watandukanye na Ladies Empire mu minsi ishize.

Ladies Empire ni kompanyi yakomotse kuri Empire Record mu byo ikora harimo no gukora indirimbo mu buryo bw’amajwi n’amashusho iherutse kumurikirwa itangazamakuru nyuma yo kuyivugurura, kuri ubu iyobowe na Oda Paccy wahishuriye IGIHE ko nawe atari iye.

Oda Paccy uhagarariye iyi studio kenshi yagiye abazwa iby’izi mpinduka yakoze muri Ladies Empire akunze kubikwepa cyane iki kibazo atifuza kugisubiza.

Reba "Ndacyagukunda" indirimbo nshya ya Alto

Alto aherutse kuririmba mu gitaramo cyo kumurika Album nshya ya Yverry

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .