Iki gitaramo giteganyijwe ku wa 19 Nzeri 2024 cyatumiwemo Umuyobozi w’Umujyi wa Kigali nk’uzaganiriza urubyiruko ruzacyitabira, ni mu gihe ku rundi ruhande hatumiwe abanyarwenya bakomeye.

Umunyarwenya Ramjaane Joshua usanzwe atuye muri Leta Zunze Ubumwe za Amerika aho asanzwe akorera n’umurimo w’ivugabutumwa, ari mu Rwanda aho ari mu bikorwa byo gufungura ishami ry’umuryango we ufasha abatishoboye ’Ramjaane Joshua Foundation’.

Mu kiganiro na IGIHE, Fally Merci yavuze ko yatumiye Alex Muhangi nyuma y’ibiganiro by’imikoranire bari bamazemo igihe.

Ati “Alex Muhangi tumaze igihe tuganira uko Gen-Z Comedy yagirana imikoranire na Comedy store, niyo mpamvu namutumiye kugira ngo arebe uko ibi bitaramo biba bimeze ariko uretse we hari n’ibindi bikorwa binyuranye turi kuganira.”

Fally Merci yavuze ko mu biganiro barimo, bifuza ko bajya bahererekanya abanyarwenya bo muri Gen-Z Comedy na Comedy Store mu rwego rwo kubaka umubano mwiza.

Fally Merci yongeyeho ko uretse kubaka umubano na Comedy Store, yifuza no kuganira n’abandi benshi bategura ibitaramo mu Karere ku buryo habaho ibitaramo byinshi mpuzamahanga byajya bihuza abanyarwenya baturuka mu bihugu bitandukanye.

Uretse Alex Muhangi watumiwe muri iki gitaramo, byitezwe ko azaba afatanya n’abanyarwenya biganjemo abakuriye muri Gen-Z Comedy bazasusurutsa abakunzi b’iki gitaramo kiba kabiri mu kwezi.

Ku nshuro ye ya mbere, Alex Muhangi yatumiwe i Kigali mu gitaramo cya Gen-Z Comedy

Ramjaane Joshua ni ubwa kabiri agiye kwitabira ibitaramo bya Gen-Z Comedy

Michael Sengazi yatumiwe muri Gen-Z Comedy

Fally Merci niwe usanzwe utegura ibi bitaramo

Clapton Kibonge ni umwe mu banyarwenya bo mu Rwanda batumiwe

Umuyobozi w'Umujyi wa Kigali niwe mutumirwa w'umunsi mu gitaramo cya Gen-Z Comedy