Akiwacu Colombe yasoje icyiciro cya gatatu cya kaminuza

Yanditswe na Uwiduhaye Theos
Kuya 11 Ukuboza 2020 saa 10:14
Yasuwe :
0 0

Akiwacu Colombe wabaye Nyampinga w’u Rwanda mu 2014, yasoje icyiciro cya gatatu cya Kaminuza [Master’s degree] mu bijyanye no kwamamaza ibikorwa mu buryo bw’ikoranabuhanga, ‘Digital Marketing’, mu ishuri ryitwa INSEEC.

Uyu mukobwa yabwiye IGIHE ko yishimiye intambwe yateye, ko intambwe ari intangiriro y’ibyiza biri imbere kuri we.

Ati “Ubu numva ari nk’itangiriro ry’ibintu byiza birushijeho ngomba gukora, ngomba gufasha abantu mbasangiza ibyo nize, ngomba no kwiyereka ko uru rugendo ntarukoreye ubusa.”

Yakomeje avuga ko kubera COVID-19 bitamukundiye ko we na bagenzi be biganaga, bakora ibirori byo guhabwa impamyabumenyi, gusa ngo ubuyobozi bw’ishuri rye bwavuze ko nibigenda neza muri Mata umwaka utaha aribwo bazazihabwa imbonankubone.

Mu 2018 nibwo yahawe Impamyabumenyi y’Icyiciro cya Kabiri cya Kaminuza yakuye muri Institut Supérieur du Commerce de Paris. Icyo gihe yanditse kuri konti ye ya Facebook, ashima abantu batandukanye bamufashije kugera kuri ibi barimo na Se umubyara ukunda kumuba hafi cyane.

Akiwacu mu 2018 aheruka mu Rwanda, ubwo yatahaga ku mugaragaro inzu yubakiye Intwaza mu Karere ka Rwamagana.

Uyu mukobwa yanahagarariye u Rwanda muri Miss Supranational mu 2016 abasha kwitwara neza aza mu mu myanya y’imbere. Miss Colombe Akiwacu afite imyaka 26 n’uburebure bwa 1,79 cm.

Miss Akiwacu Colombe yavuye mu Rwanda muri Nzeri 2015, ubu atuye mu Bufaransa aho akorera ibikorwa bitandukanye birimo n’ibyo kumurika imideli.

Akiwacu yavuze ko yishimiye intambwe yateye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .