00:00:00 IGIHE NETWORK KN KINYARWANDA EN ENGLISH FR FRANCAIS

Afrique yatunguwe na Grenade wo muri Uganda washishuye indirimbo ye ‘Rompe’

Yanditswe na Nsengiyumva Emmy
Kuya 25 June 2022 saa 08:45
Yasuwe :

Afrique yatunguwe bikomeye no kumva umuhanzi Grenade wo muri Uganda yashishuye indirimbo ye ‘Rompe’ nyuma yo kumusaba ko bakorana indirimbo bikananirana.

Mu ndirimbo ye nshya ‘Loketo’, Grenade yagerageje kwigana inyikirizo y’indirimbo ‘Rompe’ ya Afrique.

Iyi ndirimbo yagiye hanze ku wa 11 Kamena 2022, amakuru ava imbere mu bareberera inyungu za Afrique babwiye IGIHE ko batunguwe no kumva Grenade yiganye inyikirizo y’indirimbo ‘Rompe’.

Icyakora bavuga ko icyo bari bazi ari uko Grenade akunda umuziki wa Afrique, ndetse mu minsi ishize ubwo uyu muhanzi yari muri Uganda baganiriye uko bakorana indirimbo gusa avayo idakozwe.

Uwo twaganiriye mu bashinzwe kureberera inyungu za Afrique yagize ati “Turi muri Uganda Grenade yifuje gukorana indirimbo na Afrique ariko ntitwahuza umwanya, twatunguwe rero no kumva yasohoye indirimbo yiganamo inyikirizo ya Rompe.”

Indirimbo Rompe ya Afrique yasohotse muri Gashyantare 2022 ikundwa ku rwego rwo hejuru ndetse kugeza ubu imaze kurebwa n’abarenga miliyoni kuri Youtube ye.

Afrique yatunguwe na Grenade wo muri Uganda washishuye indirimbo ye ‘Rompe’
Grenade yashatse gukorana indirimbo na Afrique birangira badahuje gahunda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .