‘Abo bazakomeza batungurwe’ - Mwiseneza abwira abatangariye inyogosho ye nshya

Yanditswe na Uwiduhaye Theos
Kuya 5 Mutarama 2019 saa 12:48
Yasuwe :
0 0

Mu mashakiro y’imbuga nkoranyambaga mu Rwanda ntihasiba izina ‘Mwiseneza Josiane’, wamenyekanye cyane mu ijonjora rya Miss Rwanda 2019 i Rubavu ku wa 16 Ukuboza 2018, ubwo yagendaga ibilometero byinshi aryitabiriye.

Icyo guhe Mwiseneza yaserukanye uburanga karemano n’umusatsi usanzwe, bituma abantu benshi bamwishimira ndetse bamuhundagazaho amajwi mu itora ryo kuri Instagram na Facebook, ku buryo ryafunzwe kuri uyu wa Gatanu ari we uyoboye abandi mu majwi.

Mu bamusabiraga amajwi, Umunyamabanga wa Leta muri Minisiteri y’Ubutegetsi bw’igihugu Ushinzwe Iterambere ry’abaturage, Dr Mukabaramba Alvera yanditse kuri Twitter ati “Tumutore’.

Kuva mu ijonjora ry’i Rubavu, Mwiseneza yagiye ahinduka uhereye ku buryo yasaga mu maso, uko asiga umubiri we n’uko atunganya umusatsi.

Mu kiganiro na IGIHE kuri uyu wa Kane, yavuze ko abatunguwe n’uburyo yahindutse bagiye kujya batungurwa buri munsi.

Ati “Ariko narumiwe koko! Bazajya bahora batungurwa bihorere. Iyi nyogosho nayishyizeho ejo, nayibonye nk’inyogosho isanzwe sinzi impamvu abantu bari kubigira ibirenze.”

Uyu mukobwa yakomeje avuga ko yayishyiriyeho i Nyamirambo mu Mujyi wa Kigali.

Gushyiraho ‘Make-up’ byatewe n’irushanwa

Mwiseneza avuga ko kuba yarishyizeho ibirungo byatewe n’uko biri mu byo agomba gukora kugira ngo ase neza kandi no mu irushanwa birakenewe.

Ati “Niba ubushize ntari nzifite ntabwo bivuze ko ntazishyiraho. No guhindura biba birimo. Erega burya no mu irushanwa hari ibintu bisabwa, bo wenda mu marangamutima yabo cyangwa ku byifuzo byabo hari abifuza ko ntahindura uko nari meze kandi ni byiza, ariko mu gihe muri mu irushanwa hari ibyo muba mugomba gukurikiza bitandukanye n’uko wabyumvaga.”

“Abo nababwira ko mu irushanwa bikenewe kandi nabo ubushize bari bibajije impamvu ntasaga nk’abandi, ubwo rero ngomba kubihidura.”

Uyu mukobwa yavuze ko imyiteguro yo gukomeza mu kindi cyiciro cy’irushanwa ayigeze kure abifashijwemo n’inshuti n’abavandimwe.

Biteganyijwe ko mu bakobwa 37 batoranyijwe mu ijonjora rya mbere rya Miss Rwanda 2019, kuri uyu wa Gatandatu hamenyekana abakobwa 20 bazajya mu mwiherero mbere y’itangazwa rya Nyampinga w’u Rwanda w’ umwaka wa 2019.

Mwiseneza akomeje guhindura imisusire ye nyuma yo kwinjira muri Miss Rwanda
Uburyo Mwiseneza yahindutse mu minsi mike ishize
Umwogoshi witwa BNG bivugwa ko ari we wogoshe Mwiseneza
Mwiseneza yatambutse imbere y'akanama nkempurampaka yemye aranakomeza
Mwiseneza yanikiye abakobwa bahatanye muri Miss Rwanda 2019

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza