00:00:00 IGIHE NETWORK KN KINYARWANDA EN ENGLISH FR FRANCAIS

Abarimo Mariya Yohani, Bwiza na Iyamuremye bahuriye mu ndirimbo ihumuriza abarokotse Jenoside yakorewe Abatutsi

Yanditswe na Nsengiyumva Emmy
Kuya 9 April 2022 saa 07:37
Yasuwe :

Abahanzi barimo Mariya Yohana, Serge Iyamuremye na Bwiza Emerance, bahuriye mu ndirimbo ihumuriza u Rwanda n’Abanyarwanda by’umwihariko abarokotse Jenoside yakorewe Abatutsi mu 1994.

Kompanyi ya Ishusho Ltd ikora serivisi zo gutunganya umuziki n’izindi zijyanye no gufata amashusho, ni yo yahurije hamwe aba bahanzi hagamijwe kwifatanya n’Abanyarwanda mu bihe byo kwibuka ku nshuro ya 28 Jenoside yakorewe Abatutsi mu 1994.

Abandi bahanzi bahuriye muri iyi ndirimbo yatunganyijwe mu buryo bw’amajwi n’amashusho barimo; Rumaga Junior, Kwizera Alfred, Mucyo Eric, Producer Ayoo Rash, Producer Li John, Chris Hat na Kenny Mirasano.

Ni indirimbo igaruka ku guhumuriza u Rwanda rushya ruzira amacakubiri n’ivangura riganisha kuri Jenoside.

Nk’umuhanzi Mariya Yohani hari aho aririmba ati “Babyeyi twabuze amashami yabashibutseho, dufite uruhongore kandi rutumara irungu.”

Umuyobozi wa Ishusho Ltd, Muyoboke Alexis yabwiye IGIHE, ko mu nshingano zabo harimo gutanga umusanzu mu kubaka igihugu mu buryo butandukanye.

Ati “Ni imwe mu nshingano zacu kuko tugomba gutanga umusanzu mu kubaka igihugu. Mbere ya Jenoside tuzi abahanzi bijanditse mu mahano yo kuririmba amacakubiri, twe rero tugomba kugaragaza itandukaniro tugahumuriza Abanyarwanda.”

Indirimbo ‘Impore Rwanda’ yatunganyirijwe mu Ishusho Ltd, aho mu buryo bw’amajwi yatunganyijwe na Ayoo Rash afatanyije na Li John mu gihe amashusho yakozwe n’abahanga mu kuyatunganya bakorera mu Ishusho Ltd.

Mariya Yohani hari aho aririmba ati “Babyeyi Twabuze Amashami yabashibutseho Dufite uruhongore kandi rutumara irungu”
Niyo ndirimbo ya mbere yo Kwibuka Bwiza aririmbyemo
Serge Iyamuremye uzwi muri Gospel yaririmbye muri iyi ndirimbo
Producer Li John yaririmbye muri iyi ndirimbo
Eric Mucyo uri mu bamaze igihe mu muziki yaririmbye muri iyi ndirimbo
Umusizi Junior Rumaga ari muri iyi ndirimbo yateguwe na Ishusho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .