00:00:00 IGIHE NETWORK KN KINYARWANDA EN ENGLISH FR FRANCAIS

Abarimo Christopher, Jules Sentore na DJ Toxxyk bagiye gutaramira i Dubai

Yanditswe na Nsengiyumva Emmy
Kuya 25 January 2022 saa 08:02
Yasuwe :

Christopher, Green P, Jules Sentore, DJ Diallo na DJ Toxxyk bagiye gukorera ibitaramo bibiri i Dubai birimo n’ikizabera mu bwato bwa Yatch buherereye ahitwa Dubai Marina.

Ibi bitaramo aba bahanzi bagiye gukorera mu Mujyi wa Dubai byateguwe na Sosiyete isanzwe ihanga imideri ariko ikabifatanya no gutegura ibitaramo izwi nka ‘Urutozi Gakondo’ iherutse gufungura ishami i Dubai.

Iyi Sosiyete kandi iherutse gusinyana amasezerano y’imikoranire n’umuraperi Green P, akazamara umwaka umwe.

Ibi bitaramo byateguwe mu rwego rwo gufasha abakunzi b’umuziki batuye i Dubai kwizihiza Umunsi Mukuru w’abakundana (St Valentin).

Igitaramo cya mbere kizaba tariki 11 Gashyantare 2022, kikazabera ahitwa Hues Boutique Hotel iri i Dubai.

Ikindi gitaramo kizabera mu bwato bwa Yatch buherereye mu mazi y’ahitwa Dubai Marina tariki 13 Gashyantare 2022.

Abahanzi bakomeye barimo na Green P utagaragara kuri uru rutonde bagiye gutaramira i Dubai
Nyuma yo gufungura iduka mu Rwanda, Urutozi Gakondo bafunguye ishami i Dubai

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .