Bamwe mu baraperi batabaye Bushali barimo Riderman, Bull Dogg, Green P, P Fla, B Threy, Zeotrap, Danny Nanone, Diplomate n’abandi barimo Dr. Nganji watangiye akorera indirimbo abari bagize itsinda rya Kinyatrap ryarimo na Bushali.

Ubwo yafataga ijambo mu rusengero rwa ADEPR Gikondo, Bushali, yabanje kubwira abari muri uyu muhango ko atari buvuge amagambo menshi ku mubyeyi we, icyakora ahamya ko nk’uko yamutoje kwizera, yizeye ko bakiri kumwe mu buryo bw’umwuka.

Ati “Nagira ngo nshimire mama wanjye, bakuru banjye na bashiki banjye, nta bintu byinshi ndi bumuvugeho ninjye wari umwana we mutoya ariko nk’uko yandemyemo icyizere nubwo yagiye mu buryo bw’umubiri, nizera ko musigaranye mu buryo bw’umwuka.”

Umuhango wo gusezera bwa nyuma ku mubyeyi wa Bushali watangiriye ku rusengero rwa ADEPR i Gikondo, aho inshuti n’abavandimwe bakoreye amasengesho mbere y’uko berekeza i Rusororo aho uyu mubyeyi yashyinguwe.

Dusabimana Marie Thérèse, umubyeyi wa Bushali wari ufite imyaka 67, yitabye Imana aguye mu bitaro bya Gatenga ku wa 14 Mutarama 2025, azize uburwayi.

Uyu mubyeyi wari ufite abana 12, yitabye Imana afite abuzukuru 12 nk’uko byatangajwe n’uwari uhagarariye umuryango mu muhango wo kumusezeraho bwa nyuma.

Bushali yavuze ko nubwo yatandukanye n'umubyeyi we mu buryo bw'umubiri, mu buryo bw'umwuka bari kumwe

Icenova ni umwe mu bahanzi batabaye Bushali

Agahinda kari kose mu maso ya Dr Nganji

P Fla na Diplomate bari mu bagaragazaga agahinda mu maso

Zeotrap ubanza ibumoso yari umwe mu baraperi bagiye gushyigikira Bushali

Riderman ni umwe mu baraperi batabaye Bushali

Jay C na Danny Nanone i Rusororo batabaye Bushali

Green P ni umwe mu baraperi batabaye Bushali

Umunyamakuru Babu ari mu batabaye Bushali

Bull Dogg yari yitabiriye umuhango wo gushyingura umubyeyi wa Bushali

B Threy na Bushali wari kumwe n'umugore we bashyira indabyo ku isanduku

B Threy yari ari kumwe n'umugore we

Bushali n'umugore we bashyira indabyo ku mva y'umubyeyi w'uyu muraperi

Abaraperi bashyize indabyo ku mva y'umubyeyi wa Bushali

Amafoto: Kasiro Claude