Aba banyarwenya basanzwe bakorana na ‘Comedy Store’ ya Alex Muhangi bageze i Kigali mu ijoro ryo ku wa 26 Werurwe 2025 bahasanga abarimo Pablo, Maulana & Reign, na Alex Muhangi bahageze mu gitondo cyo kuri uyu munsi.

Uretse aba banyarwenya, undi waturutse i Kampala wahageze mu gitondo cyo kuri uyu wa 26 Werurwe 2025, ni umuhanzikazi Karole Kasita.

Aba banyarwenya bitabiriye igitaramo cya ‘Gen-Z Comedy’ giteganyijwe kubera muri Camp Kigali ku wa 27 Werurwe 2025, kikazitabirwa n’abanyarwenya bakuriye muri ibi bitaramo n’abandi bakomeye mu Rwanda.

Mu banyarwenya b’Abanyarwanda bategerejwe muri iki gitaramo, harimo Fally Merci, Pirate, Rusine, Joshua, Ambasador w’abakonsomateri, Muhinde, Umushumba, Dudu, Kadudu na MC Kandi & Musa.

Aba banyarwenya bose, bagiye kwitabira igitaramo cyo kwizihiza imyaka itatu ibitaramo bya Gen-Z Comedy bimaze bitegurwa, kikazabera muri Camp Kigali aho itike ya make iri kugurwa ibihumbi 10Frw, hakaba iya VIP iri kugurwa ibihumbi 20Frw n’ibihumbi 35Frw muri VVIP.

Abanyarwenya 15 bagiye guhurira mu gitaramo cyo kwizihiza imyaka itatu Gen-Z Comedy imaze

Fally Merci ni we wagiye gufata aba banyarwenya ku kibuga cy'indege cya Kigali i Kanombe

Abanyarwenya MC Mariachi, Madrat na Chiko bari basizwe n’indege bageze i Kigali

Abanyarwenya bose bari bemeye guturuka muri Uganda bitabiriye Gen-Z Comedy bageze i Kigali (aba ni ababimburiye abandi kuhagera bari kumwe n'umuhanzikazi Karole Kasita)