Aba banyarwenya biyongeraho abo mu Rwanda nka Rusine, Herve Kimenyi na Babu bataramiye muri Kigali Convention Centre mu gitaramo cyiswe ‘Gen-Z Comedy Night’ cyari kiyobowe na Fally Merci.

Ni igitaramo cy’urwenya cyabaye mu ijoro ryo ku wa 9 Ugushyingo 2024, cyitabirwa n’abiganjemo urubyiruko rwitabiriye inama ya Youth Connekt.

Iki gitaramo kandi cyari cyitabiriwe n’abarimo Minisitiri w’Urubyiruko no guteza imbere ubuhanzi Dr. Utumatwishima Jean Nepo Abdallah.

Fally Merci wari uyoboye iki gitaramo yagitangiye yakira Babu washimishije bikomeye abakunzi b’urwenya bari bitabiriye iki gikorwa.

Nyuma ya Babu, Fally Merci yahaye umwanya Titi Brown n’itsinda ry’ababyinnyi bafatanya gususurutsa abari bitabiriye iki gitaramo.

Nyuma yo kunyuzamo umuziki, hakurikiyeho umunyarwenya Rusine na we wasusurukije abakunzi b’urwenya. Abanyarwenya bo mu Rwanda basorejwe na Herve Kimenyi wavuye ku rubyiniro agahita aha umwanya Mammito, umunyarwenya wo muri Kenya wari watumiwe muri iki gitaramo.

Mammito witabiriye iki gitaramo bigaragara ko akuriwe, ntabwo yigeze agaragaza intege nke ku rubyiniro ahubwo yatanze ibyishimo ku bakunzi b’urwenya bari bakoraniye muri Kigali Convention Center.

Iki gitaramo cyasojwe n’umunyarwenya Anne Kansiime waherukaga i Kigali ubwo yari yitabiriye igitaramo cya Seka Live muri Nzeri 2023. Kuri iyi nshuro yongeye gutanga ibyishimo.

Icyumba cyabereyemo iki gitaramo cyari cyakubise cyuzuye

Ibyishimo byari hejuru mu bakunzi b'imyidagaduro bitabiriye inama ya Youth Connekt

DJ Ira ni we watangiye asusurutsa abitabiriye iki gitaramo

Ubwo Minisitiri Utumatwishima yari ageze ahabereye iki gitaramo

Fally Merci ni we wayoboye iki gitaramo

Babu ni we wabanje ku rubyiniro mu banyarwenya bari batumiwe

Fally Merci uretse kuyobora iki gitaramo, yanyuzagamo na we agasetsa abacyitabiriye

Kwihanganira urwenya rw'aba banyarwenya biba bigoye

Rusine yatanze ibyishimo bikomeye ku bitabiriye iki gitaramo

Titi Brown n'itsinda bafatanyaga gususurutsa abakunzi b'umuziki bari bitabiriye iki gikorwa

Titi Brown yatanze ibyishimo muri Kigali Convention Centre

Herve Kimenyi niwe wasoje icyiciro cy'abanyarwenya bo mu Rwanda bari batumiwe muri iki gitaramo

Fally Merci ashimira Herve Kimenyi wari umaze gususurutsa abakunzi b'urwenya bari bakoraniye muri iki gitaramo

Mammito yataramiye i Kigali bigaragara ko akuriwe

Yifuzaga gufata amashusho y'urwibutso

Biba bigoye guhisha ibitwenge witabiriye igitaramo cy'aba banyarwenya

Minisitiri Utumatwishima akurikiye urwenya rwaterewe muri Gen-Z Comedy Night

Anne Kansiime yongeye gutaramira i Kigali asusurutsa abitabiriye inama ya ‘Youth Connekt’