Abanyarwenya bakomeye mu Rwanda basangiye ibitwenge n’abitabiriye igitaramo cya Skol

Yanditswe na Uwiduhaye Theos
Kuya 28 Ukwakira 2019 saa 01:57
Yasuwe :
0 0

Abanyarwenya bagize Comedy Knights bafatanyije n’Uruganda rukora Ibinyobwa Bisembuye n’Ibidasembuye rwa SKOL Brewery Limited Rwanda, bakoreye igitaramo cyashimishije benshi ku Kimironko mu Mujyi wa Kigali.

Ibitaramo nk’ibi bimaze igihe bizenguruka mu tubari dutandukanye tw’i Kigali, byatangiye ku wa 13 Nzeri 2019 ku Kabari ka Poète gaherereye i Nyarutarama, ku wa 20 Nzeri bikomereza i Remera muri Front Line Bar.

Tariki 27 Nzeri 2019, byabereye i Kanombe mu Kabari ka K1 Bar, hakurikiye icyabereye mu Karere ka Gasabo ahazwi nka Best Corner ku wa 4 Ukwakira 2019, cyakorewe mu ngata n’icyajyanywe mu nyubako ya CHIC ahazwi nka Mummy’s Bar mu mujyi rwagati ku wa 11 Ukwakira 2019, mu gihe tariki ya 18 Ukwakira 2019 hari hatahiwe abasohokeye muri Makumba Bar i Remera.

Igitaramo giheruka cyahurije hamwe abanyarwenya bafite izina mu Rwanda ndetse n’abakunzi ba Skol Lager cyabereye muri 4G Bar, akabari gaherereye Kimironko ku mugoroba wo ku wa 25 Ukwakira 2019.

Muri iki gitaramo abanyarwenya barimo George, Joshua, Babu na Michael bashimishije benshi.

George yateye urwenya agaragaza ukuntu abantu bamwe bajya batereta abakobwa batazi bifashishije telefoni bahura nabo bagatungurwa.

Ati “Mfite ingeso mbi, iyo ndi mu rugo […] mfata telefoni ngahamagara nimero ntazi, iyo numvise ari umuhungu ndakupa. Iyo numvise ari umukobwa mpita muvugisha. Ejo bundi navuganye n’uwitwa Chantal tuvugana guhurira muri 4G Bar, mubwira ko ndaba ndi kunywa Lager nicaye kuri comptoir.”

Uyu musore avuga ko yageze ku kabari akabura inzoga yari kunywa agahitamo kwinywera Panache, mu gihe yicaye abona umukobwa ufite amaguru meza ariko utari mwiza mu isura, araje amubwiye ko ari wa wundi bavuganaga aramwitakana.

Joshua na Michael bo bateye urwenya bagaragaza ukuntu iyo Aba-Dasso bafashe umuntu nijoro bamubaza ikibazo byanga bikunze cyatuma akubitwa.

Umwe ati “Niko sha, ko ijoro ari iry’imbwa n’abajura wowe uri iki?” Undi ananirwa gusubiza, bagaragaza ko hano igisubizo icyo aricyo cyose wavuga ukubitwa byanga bikunze.

Aryoha asubiwemo! Skol yiyemeje gusubira mu kabari kahize utundi mu gukunda abanyarwenya

Tuyishime Karim ushinzwe Itangazamakuru muri Skol yabwiye IGIHE ko uretse ibi bitaramo byakorewe mu tubari twinshi, bari guteganya mu ko abanyarwenya banyuzemo gaherereye Kagugu.

Ati “Ku wa Gatanu utaha tuzasubira Kagugu ahitwa Best Corner Bar kuko ari aho twanyuze tukabona ubwitabire n’uburyo bakunze urwenya biri ku rwego rwo hejuru. Twifuje kongera gusubira muri aka kabari.”

Ushaka kumenya andi makuru ajyanye na byinshi kuri iki gikorwa cya Skol Lager, wanyura ku mbuga nkoranyambaga za Skol zirimo [email protected] na Instagram @Skol_lager.

Skol yenga ibinyobwa bisembuye n’ibidasembuye by’umwimerere birimo Panache Lemon, Skol Lager, Skol Malt, Skol 5, Virunga Mist, Virunga Gold n’ibindi kandi byose biboneka mu macupa abereye ijisho bikagira n’icyanga ntagereranywa.

Joshua na Michael Sengazi batera urwenya abitabiriye igitaramo
George yateye urwenya agaragaza ukuntu abantu bamwe bajya batereta abakobwa batazi bifashishije telefoni bahura nabo bagatungurwa. Aha yari kumwe na mugenzi we Babu (ibumoso)
Akanyamuneza kari kose ku bitabiriye iki gitaramo cyabereye i Kimironko
Ibonyobwa bya Skol biba byagabanyirijwe ibiciro muri ibi bitaramo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza