00:00:00 IGIHE NETWORK KN KINYARWANDA EN ENGLISH FR FRANCAIS

Abantu icumi barasiwe ahafatirwaga amashusho y’indirimbo ya French Montana

Yanditswe na Nsengiyumva Emmy
Kuya 6 Mutarama 2023 saa 09:40
Yasuwe :

Ku wa 5 Mutarama 2022 ubwo French Montana yafatiraga amashusho y’indirimbo ye mu mujyi wa Miami muri Leta Zunze Ubumwe za Amerika, humvikanye amasasu yakomerekeje abarenga icumi we ararusimbuka.

TMZ yatangaje ko yabonye amakuru y’uko aho French Montana yafatiraga amashusho muri restaurant havugiye amasasu, agakomeretsa abantu barenga icumi.

Ntibiramenyekana niba abarashe bashakaga kwivugana French Montana, gusa umwe mu bakozi b’iyi restaurant yavuze ko abashinzwe kurinda uyu muhanzi we bahamukuye ari muzima kandi atigeze akomereka.

Ntabwo haramenyekana uwihishe inyuma y’iraswa ry’aya masasu cyane ko nta n’umwe uratabwa muri yombi nyuma y’uko amasasu avuze.

Karim Kharbouch wamenyekanye nka French Montana yavukiye muri Maroc ariko ubu ni umwe mu bahanzi bakomeye muri Leta Zunze Ubumwe za Amerika.

Ni umuhanzi watangiye umuziki mu 2002 aho kugeza ubu ari mu bakomeye mu bakora injyana ya Hip Hop ku Isi.

Abantu 10 barasiwe ahafatirwaga amashusho y’indirimbo ya French Montana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .