Abakobwa 20 bahatanira kuba Miss Rwanda basuye MTN Rwanda bagirana ibiganiro n’ubuyobozi bwayo

Yanditswe na Nsengiyumva Emmy
Kuya 15 Gashyantare 2020 saa 08:21
Yasuwe :
0 0

Kuri uyu wa Gatanu tariki 14 Gashyantare 2020, abakobwa 20 bahatanira ikamba rya Nyampinga w’u Rwanda, umwaka wa 2020, basuye ibiro bikuru bya MTN Rwanda biherereye i Nyarutarama bagirana ibiganiro n’abayobozi bayo.

Iki gikorwa cyahuje aba bakobwa n’Umuyobozi Mukuru wa MTN Rwanda, Mitwa Kaemba Ng’ambi, abagenera impano zitandukanye. Yabaganirije abagira inama zitandukanye z’ibyo umuntu acamo mu buzima bwa buri munsi asoza abifuriza amahirwe.

Ati "Ndabifuriza ibyiza byose muri iri rushanwa, kandi nzaba mbashyigikiye igihe cyose."

Umuyobozi ushinzwe imenyekanishabikorwa muri MTN Rwanda, Richard Acheampong, nawe yaganirije aba bakobwa ahera ku munsi wa Saint Valentin cyane ko iki kigo ari bwo cyabakiriye kinabagenera uturabo tw’umuhondo.

Yaboneyeho kubaganiriza kuri Yolo nka gahunda ya MTN Rwanda yagenewe urubyiruko ikubiyemo ibyiza byinshi ku bakunda itumanaho ridahenze.

MTN Rwanda ni umwe mu baterankunga bazatanga ibihembo muri Miss Rwanda 2020. Umukobwa uzaba yakunzwe cyane (Miss Popularity) azahembwa na MTN miliyoni n’igice (1500 000 Frw) bamuhe uburyo bwo guhamagara ndetse na Internet mu gihe cy’umwaka wose.

Abakobwa 20 nibo bari mu mwiherero wa Miss Rwanda 2020 nyuma y’uko kuva tariki 21 Ukuboza 2019 irushanwa rya Miss Rwanda 2020 ryatangiye ku mugaragaro, abakobwa basaga 400 bari biyandikishije muri iri rushanwa bavuyemo 54 bahagarariye intara zose z’u Rwanda mu irushanwa.

Aba bose ni bo batanze 20 batoranyijwe mu ijonjora ryabereye i Gikondo ahasanzwe habera imurikagurisha ku wa 1 Gashyantare 2020.

Ku wa 9 Gashyantare 2020 nibwo abakobwa 20 bose berekeje kuri Hotel La Palisse i Nyamata mu mwiherero ugomba kumara ibyumweru bibiri cyane ko uzarangira tariki 23 Gashyantare 2020.

Kuri ubu abakobwa nubwo bari mu mwiherero wa Miss Rwanda ariko amatora arakomeje aho bari gutorerwa kuri IGIHE.com, ndetse hanakoreshwa uburyo bwa SMS aho wandika ijambo Miss ugasiga akanya, ukandika nimero y’uwo ushyigikiye ukohereza kuri 1525 ahari kwifashishwa nimero bari basanganywe.

Igikorwa cya Miss Rwanda kizasozwa tariki 22 Gashyantare 2020 ari bwo hazamenyekana uwegukanye ikamba rya Nyampinga w’u Rwanda 2020 asimbure Nimwiza Meghan ufite irya 2019.

Abakobwa 20 berekeje mu mwiherero

1. Irasubiza Alliance [No 11]

2. Nishimwe Naomie [No31]

3. Mutesi Denyse [No28]

4. Ingabire Gaudence [No8]

5. Ingabire Rehema [No10]

6. Musana Teta Hense [No26]

7. Kirezi Rutaremara Brune [No17]

8. Mukangwije Rosine [No21]

9. Ingabire Diane [No7]

10. Ingabire Jolie Ange [No9]

11. Mutegwantebe Chanice [No27]

12. Kamikazi Rurangirwa Nadege [No15]

13. Akaliza Hope [No1]

14. Umuratwa Anitha [No42]

15. Marebe Benitha [No18]

16. Teta Ndenga Nicole [No35]

17. Uwase Aisha [No51]

18. Nyinawumuntu Rwiririza Delice [No33]

19. Umutesi Denise [No43]

20. Umwiza Phionah [No47]

Abakobwa baganirijwe ku bikorwa bya MTN Rwanda
Abakobwa bahawe indabo za Saint Valentin
Bahawe impano kuri uyu munsi wahariwe abakundana
Abakobwa bafatanye ifoto y'urwibutso n'umuyobozi mukuru wa MTN Rwanda
Abakobwa 20 bahatanira ikamba rya Miss Rwanda bahawe impano na MTN Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza