Ni igikorwa Minisiteri y’Urubyiruko n’Ubuhanzi imazemo iminsi aho iri gukusanya amakuru yafasha guteza imbere inganda z’ubuhanzi mu Rwanda.

Nyuma yo guhura n’abahanzi barenga 100 bakorera ubuhanzi mu Mujyi wa Kigali, Minisiteri ku wa 6 Ukuboza 2024, yahuye n’abarenga 300 bakorera ubuhanzi mu ntara zitandukanye z’u Rwanda.

Abahanzi bahuriye muri iyi nama yabereye ku Kimisagara barimo abaririmbyi, abasizi, ababyinnyi, abashushanya, abakora ibibumbano, ab’ikinamico, abanyamideri, abafata amajwi n’amashusho n’abandi benshi.

Muri ibi biganiro, Umunyamabanga wa Leta muri Minisiteri y’Urubyiruko n’Ubuhanzi, Sandrine Umutoni, yashimiye abahanzi uruhare bagira mu guteza imbere Igihugu.

Umutoni yibukije abahanzi ko akazi kabo ari inking ikomeye mu guteza imbere ubukungu bw’Igihugu, abibutsa ko ariyo mpamvu hari gukorwa inyigo yo kubuteza imbere.

📹 VIDEO: Abahanzi basaga 300 barimo abaririmbyi, abasizi, ababyinnyi, abashushanya, abakora ibibumbano, ab’ikinamico, abanyamideri, abafata amajwi n'amashusho… bahuriye hamwe mu nama nyunguranabitekerezo igamije gukusanya amakuru ku iterambere ry’ubuhanzi mu Rwanda. pic.twitter.com/55rkS6xh7C

— Ministry of Youth and Arts | Rwanda (@RwandaYouthArts) December 7, 2024

Abahanzi bashyizwe mu matsinda baganira ku byo babona byateza imbere ubuhanzi

Ibi biganiro byavuyemo zimwe mu nama zizifashishwa mu mushinga wo guteza imbere ubuhanzi

Abahanzi bagaragarije ibibazo byabo abayobozi ba Minisiteri y'Urubyiruko no guteza imbere ubuhanzi

Umuhanzikazi Tonzi, ni umwe mu bari bitabiriye ibi biganiro

Umunyamabanga wa Leta muri Minisiteri y'Ubuhanzi no guteza imbere ubuhanzi yashimiye abahanzi uruhare rwabo mu guteza imbere igihugu