00:00:00 IGIHE NETWORK KN KINYARWANDA EN ENGLISH FR FRANCAIS

A$AP Rocky yifashishije indirimbo asaba Rihanna kumubera umugore

Yanditswe na Uwiduhaye Theos
Kuya 8 May 2022 saa 03:06
Yasuwe :

Umuhanzikazi Rihanna n’umukunzi we A$AP Rocky bitegura kwibarukana umwana, batunguranye mu mashusho y’indirimbo umwe asaba undi ko bazabana akaramata.

Ibi biri mu mashusho y’indirimbo nshya A$AP Rocky yise “D.M.B”.

Muri aya mashusho uyu muraperi hari aho agaragara amwenyura mu menyo ye harimo ibyuma bya zahabu byanditsemo ngo “Twarushinga ?” undi na we aramwenyura mu menyo ye handitse ngo “Ndabyemeye”.

Muri aya mashusho Rihanna agaragaramo ari mu bihe byiza n’umukunzi we mu bihe bitandukanye.

Urukundo rwa Rihanna na A$AP Rocky rwatangiye kunugwanugwa mu mpera za 2020.

Muri Gicurasi 2021, A$AP Rocky yabwiye GQ Magazine ko Rihanna ari urukundo rw’ubuzima bwe.

A$AP na Rihanna bari bakunze kugirana ubucuti bwibazwagaho mu itangazamakuru guhera mu 2013.

Rihanna muri Mutarama 2020 yatandukanye n’Umuherwe Hassan Jameel bakundanaga, mu gihe A$AP Rocky yakundanye n’ibyamamare bitandukanye birimo Kendall Jenner bakundanye mu 2017 n’umunyamideli wo muri Brésil witwa Daiane Sodré.

Rihanna na A$AP Rocky bamaze igihe bakundana
A$AP Rocky yasabye Rihanna ko amubera umugore bakoresheje kumwenyura n'imitako iri mu menyo yabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .