Muhayimana w’imyaka 53 ukora mu busitani yasohoye indirimbo ye ya mbere

Yanditswe na Nsengiyumva Emmy
Kuya 25 Werurwe 2020 saa 08:40
Yasuwe :
0 0

Muhayimana Martin w’imyaka 53 wari usanzwe akora mu busitani yasohoye indirimbo ye ya mbere, intambwe yafashe nko gukabya inzozi yahoranye zo gukora umuziki.

Uyu muhanzi yafashijwe gukora indirimbo na Alain Muku, umunyamuziki usanzwe afasha abahanzi kumenyekana.

Muhayimana yinjiye mu muziki nyuma y’igihe ahuye na Alain Muku agasanga afite impano yo guhimba no kuririmba indirimbo zo kuramya no guhimbaza Imana.

Bamaze kumvikana imikoranire uyu mugabo yatangiye gukorerwa indirimbo, kuri ubu yamaze gusohora iyitwa “Ndi mu nzozi”.

Iyi ni imwe mu ndirimbo zirenga 200 uyu musaza avuga ko afite zanditse yitegura gusohora mu minsi iri imbere afatanyije na Alain Muku uri kumufasha binyuze muri Sosiyete ye yise Boss Papa.

Mu kiganiro kigufi yagiranye na IGIHE, Muhayimana Martin w’imyaka 53, ukora akazi ko guconga ibyatsi byo mu busitani i Kigali yavuze ko impano ye ari iya kera.

Yagize ati "Nigeze kuririmba muri korali ariko byaje kugera aho birahagarara.”

Muhayimana yavuze ko yishimiye guhura na Alain Muku wamwemereye kumufasha gukabya inzozi ze akaba yasohoye indirimbo ye ya mbere.

Amashusho y’indirimbo “Ndi mu nzozi” agaragaramo abakinnyi ba filime bazwi mu Rwanda nka Kadogo, Mukarujanga na Yaka umaze iminsi agezweho cyane ku mbuga nkoranyambaga.

Mu buryo bw’amajwi yakorewe muri “Boss Papa” mu gihe amashusho yayo yafashwe akanatunganywa na Fayzo.

Alain Muku amaze kwandika izina mu kumenyekanisha abahanzi bafite impano zihariye. Ni we wafashije Nsengiyumva François wamamaye nka Igisupusupu mu mwaka wa 2019, akagwiza igikundiro mu bihebeye umuziki cyane uwa gakondo.

Reba "Ndi mu nzozi" indirimbo ya mbere ya Muhayimana Martin

Muhayimana Martin yari asanzwe akora akazi ko gutunganya ubusitani
Muhayimana yinjiye mu muziki wo kuramya no guhimbaza Imana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza