Iki gitaramo cyari cyatumiwemo abahanzi nka Nel Ngabo na Platini batanze ibyishimo ku bari bacyitabiriye bari biganjemo abasohokanye n’abakunzi babo.

Nel Ngabo ni we wabanje ku rubyiniro muri iki gitaramo, aririmbira abakunzi be nyinshi mu ndirimbo ze zakunzwe.

Ubwo yari ageze ku yitwa ‘Molomita’, Kenny Sol bayikoranye nawe wari wasohokeye muri aka kabari yatunguye Nel Ngabo, amusanga ku rubyiniro barayiririmbana abantu barushaho kwishima.

Nyuma ya Nel Ngabo, Platini nawe yageze ku rubyiniro, icyakora bitewe n’uko uyu muhanzi adafite indirimbo nyinshi zivuga ibyiza by’urukundo yabasabye kumufasha kuririmbana nawe izo bishimira.

Platini wataramiye abakunzi b’umuziki we nyinshi mu ndirimbo ze, yananyuzagamo akaririmba n’izo yakoze mu myaka yo ha mbere akibarizwa mu itsinda rya Dream Boys.

Umuyobozi wa Kina Music, itegura ibi bitaramo binyuze muri Kina Events, Ishimwe Clement yabwiye IGIHE ko nyuma y’iki gitaramo bagiye kwicara bagasuzuma uko cyagenze ari nabyo bibaha isura y’uko bakwiye kubikomeza.

Ku rundi ruhande, Ishimwe yari aherutse guhamya ko ibi bitaramo bizajya biba buri kwezi.

Nel Ngabo ni we wabanje ku rubyiniro

Nel Ngabo yatanze ibyishimo ku munsi w'abakundana

Kenny Sol yatunguye Nel Ngabo ku rubyiniro

Nel Ngabo na Platini baririmbanye indirimbo 'Molomita' bakoranye

Platini na Nel Ngabo baririmbanye indirimbo 'Ya motema' bakoranye mu myaka itanu ishize

Ibyishimo byari byose hagati ya Nel Ngabo na Platini bari bamaze gutanga ibyishimo muri iki gitaramo

Abantu bitabiriye iki gitaramo cyari kibaye bwa mbere

Platini yanyuzagamo agasusurutsa abakunzi b'umuziki mu ndirimbo yakoze mu myaka ishize akiri muri Dream Boys

Abakunzi b'umuziki bari benshi muri iki gitaramo

Amafoto: Kwizera Remy Moses