00:00:00 IGIHE NETWORK KN KINYARWANDA EN ENGLISH FR FRANCAIS

Israel Mbonyi yatunguwe mu gitaramo yakoreye i Montreal (Amafoto)

Yanditswe na Mahoro Vainqueur
Kuya 9 October 2022 saa 10:44
Yasuwe :

Israel Mbonyi yanyuzwe cyane n’igitaramo yakoreye muri Canada mu mujyi wa Montreal kuri uyu wa Gatandatu tariki 8 Ukwakira.

Uyu muhanzi umaze iminsi muri Canada, yavuze ko yashimishijwe n’ubwitabire yaboye muri iki gitaramo ndetse n’uko yaririmbanye n’abafana be indirimbo zose.

Yavuze ko atari abyiteze ko indirimbo ze zikunzwe muri Montreal kuri urwo rwego, ku buryo babasha kuririmbana na we kuva indirimbo itangiye kugeza irangiye.

Nyuma y’iki gitaramo, mu butumwa buherekejwe n’amashusho uyu muhanzi yahaye abasaga ibihumbi 300 bamukurikira kuri Instagram , yagaragaje imbamutima ze kuri iki gitaramo.

Ati “ Mana yanjye , Mana yanjye! ntushobora kwizera ko iyi ari Montreal”

Nyuma y’ubwo butumwa bamwe mu babashije kwitabira iki gitaramo bamweretse ko bakinyotewe n’igitaramo cye, bamusaba ko yazagaruka.

Ku rundi ruhande abatuye Leta Zunze Ubumwe za Amerika nabo bahise bamusaba ko nabo yabibuka akazajyayo akabataramira.

Mbere y’iki gitaramo Mbonyi yari yabanje gutaramira mu mujyi wa Vancouver ku itariki ya 1 Ukwakira 2022.

Biteganyijwe ko kuri iki Cyumweru uyu muhanzi arataramira abatuye umujyi wa Ottawa, nyuma y’aho azahita yerekeza i Calgary ku itariki 15 Ukwakira 2022

Uyu muhanzi amaze iminsi azengura imijyi itandukanye ya Canada aririmbira abakunzi be.

Umuhanzi Israel Mbonyi yakozwe ku mutima n'igitaramo yakoreye muri Montreal
Abafana bari benshi muri iki gitaramo i Montreal
Mbonyi uri mu myiteguro yo kumurika album ebyeri yashimishijwe no gutaramira Montreal

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .