00:00:00 IGIHE NETWORK KN KINYARWANDA EN ENGLISH FR FRANCAIS

Korali Tujyisiyoni yatumiye korali zikomeye z’Abadiventisiti mu gitaramo cy’amateka

Yanditswe na IGIHE
Kuya 3 Ugushyingo 2022 saa 11:23
Yasuwe :

Korali Tujyisiyoni ikorera ivugabutumwa ry’indirimbo mu Itorero ry’Abadiventisiti b’Umunsi wa Karindwi rya Kacyiru [SDA Kacyiru] yahurije korali zikomeye mu gitaramo cyo guhimbaza Imana.

Iki gitaramo kizabera ku rusengero rwa Kacyiru (muri Tribune) ku wa 3 Ukuboza 2022. Biteganyijwe ko kizatangira saa Saba z’amanywa.

Korali Tujyisiyoni yatumiye izindi zitandukanye zizafatanya mu gitaramo. Zirimo Abakurikiye Yesu Family Choir (Kacyiru), Abatwaramucyo Choir (Kacyiru), Inkurunziza Family Choir (Bibare), Halelua Family Choir (Gisenyi) na Ababimbuzi Choir yo ku Muhima.

Umuyobozi w’Iterambere muri Korali Tujyisiyoni, Nsengiyumva Jacques, yavuze ko iki gitaramo kigamije gushima Imana.

Ati “Ni igitaramo twateguye mu rwego rwo gushima Imana ku burinzi bwayo kuri twe.’’

Yongeyeho ko kizanakusanyirizwamo inkunga yo gusoza inyubako y’urusengero.

Yagize ati “Urusengero rwose ruzuzura rutwaye miliyoni 600 Frw. Uyu munsi hamaze gukoreshwa agera kuri miliyoni 360 Frw. Haracyabura miliyoni 240 Frw ngo urusengero rwuzure.’’

Tujyisiyoni ni korali yatangiye gukora umurimo w’ivugabutumwa mu ndirimbo mu mwaka wa 1997. Igizwe n’abaririmbyi 30.

Izina ryayo ryamenyekanye cyane mu ndirimbo zakunzwe, zikanakora ku mitima ya benshi zirimo “Abigishwa”, “Sodoma”, “Ruratangaje”, “Akana k’agakobwa” na “Ubukwe ni umuhango Wera”.

Iyi korali ifite imizingo 10 y’indirimbo z’amajwi n’umunani w’iz’amashusho. Imaze gukora ivugabutumwa mu bihugu byo mu Karere birimo u Burundi, Uganda na Repubulika Iharanira Demokarasi ya Congo.

Korali Tujyisiyoni iri gutegura gukora ingendo z’ivugabutumwa ziri mu mujyo wo kunoza indirimbo zizashyirwa ku muzingo wa cyenda w’amashusho.

Mu mishinga yayo iri imbere, Korali Tujyisiyoni irateganya gukora izindi ngendo z’ivugabutumwa muri Tanzania na RDC mu mwaka utaha.

Korali Tujyisiyoni yateguye igitaramo gikomeye giteganyijwe kuba mu ntangiriro z'Ukuboza uyu mwaka
Korali Tujyisiyoni ni imwe mu zikomeye mu Badiventisiti b'Umunsi wa Karindwi mu Rwanda
Korali Tujyisiyoni yatangiye ivugabutumwa ry'indirimbo mu 1997, igizwe n’abaririmbyi 30
Inkurunziza Family Choir yo mu Bibare na yo izaririmbira abazitabira iki gitaramo
Abatwaramucyo Choir yo ku Kacyiru na yo yatumiwe muri iki gitaramo
Ababimbuzi Choir ikorera ivugabutumwa mu Itorero ry'Abadiventisiti b'Umunsi wa Karindwi ku Muhima

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .